المشاهدات: 488   المدة: 1:43   الدقة: عالية
التصنيف: أشعار وقصائد   الكلمات الدلالية: ايهاب المالكي
تعليق بواسطة أحــمــد
لا ينشغل بالك كلشي ما بية
مجرد بس اخذت بخاطري شوية
بس انا الأعجبك يوم لو يومين
أرجعلك الضحكة الگتلي موهية
اليثگلن وية غيرك يمك انت اخفاف
احن لشوفتك لو چيلتك بية
إذا مو إلك گلي المن الزلة تطيح
والمن ضام حرورة الحنية
انا بغيبتك تارس الساعة أميال
اكثر وكتك الأترجى بي جية
اعترفلك كل حرف حاجيه لغيرك شوگ
جنت المعني انت، وانت بالنيّة
انا الشايل جفن من ما تمر بيه
حرب وية النعاس يخوض يومية
انا گبال النجوم التشمت بفرگاك
اغمض حتى اگلهن انتظر ضيّه
انا بخلگي كل شي ما عداك يهون
اصبر عـ النفس واضحك بلا رية
وعليَّ يبين فراگك بوجهي الگاه
مثل وجه اليفز وروحه ما هيه