المشاهدات: 2888   المدة: 21:01   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة أحمد العثمانيے
شهادة أمير المؤمنين (ع) - ليلة 21 شهر رمضان 1440 هـ
قصيدة : إمسـاك
أداء : الحاج باسم الكربلائي
كلمات : الشاعر حمزة السماوي
المكان : حسينية المرحوم داود العاشور - البصرة
_________________________________________________

الكلمات

امساك امساك عن شوفة علي ناده المنادي
امساك امساك ونشلت عسن ايد المرادي

طر الفجر خوف ورعب ●● والموت حد اسنونه
ميت ابويه لو عدل ●● بس جاوبوني شلونه

ريحة دمه وريحة غدر ●● وريحة صبر مدفونه
اتفائلو بالخير المثل ●●ياخير بعد عيونه

بحماك بحماك ياربي صحت ارحم فؤادي
امساك امساك عن شوفة علي ناده المنادي

من قبل ساعه من طلع ●●عينه الي تتلفت
اشدد حيازيمك قره ●● وقلبي بقه يتصنت

بالمسجد يأذن صعد ●● روحي تسمعه وردت
هلبت يرد هلبت يجي ●● وتعبت احجايه هلبت

الكاك الكاك هيهات وكمت البس سوادي
امساك امساك عن شوفة علي ناده المنادي


صدفه اختلف وجه السمه ●● بعاصفه وتراب احمر
بهالحاله مره شاهدت ●● من ضلع امي اتكسر

قرآن رحت اقره حرز ●● عالفلق تبجي الكوثر
معناهه هسه اتأكدت ●● مفلوقه هامة حيدر

انخاك انخاك ياموت شكبر بعده حدادي
امساك امساك عن شوفة علي ناده المنادي

قلقانه وزداد القلق ●● والنفس يصعد ينزل
مرتبك بالكوفه الوضع ●● وسمع قطام تهلهل

اتصوب ابوي اتيقنت ●● وانطر يرد للمنزل
العالج الدنيه بسيرته ●● صعبه علاجه انحصل

املاك املاك نزلت تنحب لاعظم قيادي
امساك امساك عن شوفة علي ناده المنادي


بالباب جنت امتانيه ●● وجروحي صارت زحمه
ذولاك اخوتي ووالدي ●● بالقوه يرفع جدمه

يمكن علي لا مو علي ●● ياربي هاي الهضمه
وبثوب الابيض من مشه ●● احمر رجعلي بدمه

بدماك بدماك اركض اجيت اشبكك لا ارادي
امساك امساك عن شوفة علي ناده المنادي


اتمدد بفراشه الاجل ●● عينه جعلهه بعيني
يومين كلي وارتحل ●● بويه بعد عذريني

وبجاه طوله اندعي ●● لا طول الله سنيني
كلي البكه بجبد الحسن ●● وبنحر راس حسيني

وياك وياك قتله بويه اخذني ودمعي حادي
امساك امساك عن شوفة علي ناده المنادي


عايفني ابويه بكربله ●● بيد القمر تسليمه
بنت البيوت المزهره ●● تالي تظل بهيمه

عباس ما ينغر الي ●● محتار عفته بضيمه
دنيه تخلي حرمله ●● يحرك عليه الخيمه

رحماك رحماك يارب من يهجمون الاعادي
امساك امساك عن شوفة علي ناده المنادي