المشاهدات: 1030   المدة: 3:46   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ♪ Ašk ♪
ابچي هواي اعله اسمك يالعايش بأيامي
واتبده اعله عيــونك ماي ابـگد احلامي
ياعشگ الله اشلونك بسلا بعدك ضامي!

انته اول حُب عشگته وعالجرح خطيت اسمه
الله خالقني إعله موده واحله شي عندي الخدمه
عميه يـحسّين الحـوافر سحگتك وانته النعمه

سـلام، على جرحك والرايه
الحمـام، يمك سوه قرايه
غـريب، بس انته اتلم بينه
هيـام، دربك بي مشايه
...................

غالي وكلشي ابابك يرخصلك يحسيني
خادم وعلى اعتابك ناذر كل اسنيني
مامسلوبه ثيابك كون آنه امسلبينـي

خادم وأبچي اعله بابك مجلسك اندل دربه
ياحبيبي الگلبه ضامي والسـهم طشر گلبه
آنه بگماطي وعشـگتك من ضگت طعم التربه

عجيـب، ياماي امعطشينه
غـريب، بالحومة امطشرينه
هـواك، بي دخان اخيــامك
سلـيب، ثوبك يابو سكينـه
...........................

عبدك وابچي ابيومك جرحك هلّ
اهلاله
باچر ياهو ايـلمك لو جتـك خياله
جسمك دامي وجسمي مامسـحوگ اشـماله

خُنصرك بالطف لگيته يكتب لزيـنب آيه
وراسك ابرمحه ويـرتل بالكهف يقره اهـوايه
ضـعنك اليرسم خلودك سوه درب المشايه

اجيت، اسـأل بيك اشصاير
لگيت، ضلعك جوه الحافر
أمان، من گلبك تنطيني
ونسيت، وحدك يوم العاشر

كلمات الشاعر "محمود الموسوي"