المشاهدات: 572   المدة: 4:36   الدقة: عالية
التصنيف: أشعار وقصائد   الكلمات الدلالية: سمير صبيح
تعليق بواسطة احمد العثمانيے
الكلمات:

اختلفت والسدر ينغسل بالميت
عكست والگطن يلوي الزناجيل
منو المن عليمن ليش منگول
انقبل عند البشر قربان قابيل
ويوسف ما طلع للآن بالبير
وتلطخنه سوه بدم المچاتيل
اذا لا ريح عدنه ولا اكو مرواح
اخذنا البوه بأسعار المحاصيل
اختلفت والاسد خلوه مرياع
الغنم تاهت ولا يحتاج تأويل
وهبل واللاة ردت هاي الايام
وردت ناس تركع للتماثيل
وخلينه العطش ناطور عالماي
بينه العيب مو عمية الغرابيل
عشر اظهور هذا الهم ورثناه
ونورثه الغيرنه التوهم گصاميل
جمر جوة الرماد وساكته النار
اقل نفخة الفراش يصير ابابيل
واجتك للحلگ لتعوفها تضيع
ولا تنطيها فرصة العالت تعيل