المشاهدات: 1142   المدة: 11:48   الدقة: عالية
التصنيف: صوتيات دينية   الكلمات الدلالية: حسين والي اللامي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
الكلمات

نويتُ الزيارة فيا بورقيه
اريد المسافه تطولها بيه
اريد اتعب اكثر واجيك إعله اديه
فياليتَ أمشي كمشي السبيه

خل تتعب الرجلين . كله ابسبيل حسين
فاسعوا لذكر الله . اقـره الآيـة مرتين

يوم اربعينك بي هنه . مقدارهُ ألفُ سنه
مما تعدون

جسمك ادفعله مهر . عبدالله اثوبله نهر . وللكافل اعيون

وواعدنا موسى يعني اربعينك
____________________________

العشگ لو خذاني اجيك ابجنوني
بچي من رقيه احط ابعيوني
غداً بالقيامه لو وگفوني
فلا مالُ ينفع ولا من بنونِ

إلا من أتى الله . وبگلبه حسيناه
يحسين الما ينساك . بالمحشر لاتنساه

من ابعد مكان ابهالأرض . وديني وامشيلك فرض
واتمنه مولاي

شايب أصير ابخدمتك . كناس اظل ابحضرتك . لو اوزع الماي

وواعدنا موسى يعني اربعينك
____________________________

يواهس دمعتي وحضور المجالس
انه من الطفوله كرهت المدارس
گلت ليش احبك يتارسني واهس
بحثت ابعمامي طلع جدي عابس

عابسكم جدي كون . وارثني اشگد اجنون
رازقني اشگد توفيق . يا كاف الله ونون

ابگبرك احج واعتمر . واقدامي تتوضه ابعطر
لمن تجيـلك

زغرني ماريد اعتلي . وهذا التعب يابوعلي
كله ابسبيلك

وواعدنا موسى يعني اربعينك
____________________________

يالموزر امي يـ البگلبي تنبض
ابوي ابطريقك اشوفنه يركض
اثاري اليحبك على الجمره يقبض
تطهر لسـاني إذا بسمك الفض

يضامي وتروي الناس . حلفتك بالعباس
ابدربك افرشني ابســاط . اتـطهر من انــداس

ابدرب اليزورونك شرط . خدي واظل انكت بسط . واخدم ضيوفك

ماشفتك وعقلي انفتن . عاري حسين ابلا چفن
شلون امن اشوفك

وواعدنا موسى يعني اربعينك
____________________________

اكو اچم موالي يتاني ابحراره
جوازه اعله گلبه ويتاني البشاره
يلم ابإجراته ارزقه الزياره
يجي ابـ أربعينك يشوف المناره

بإيران وبالبحرين . بالخليج وبالصين
بأوربا وبـ لبنان . كلها تنادي ياحسين

بيهم يــمولاي ابتدي . سهل امرهم سيدي
ابجاه السبايه

بيوم اربعينك نجتمع . بصينيه القاسم شمع
ونقرالك آيه

وواعدنا موسى يعني اربعينك
____________________________

المسير ابطريقك يسويني جابر
اجيك وكأني إلى الله سائر
حسين امـن اشوفك يبو اليمه ناذر
على صدرك اغفه ابمكان الحوافر

مو مذبوح اتمناك . تفتح باب الشباك
دمعه ابعين الزوار . مولاي اعيش اوياك

لمن اطب لكربله . تخنگني نبلة حرمله
واشتم ترابك

واذكر خواتك بالسبي . ناذر اوزعلهن عبي
كله بثوابك

وواعدنا موسى يعني اربعينك
وواعدنا موسى يعني اربعينك

____________________________

كلمات الشاعر : محمد الجماسي