المشاهدات: 386   المدة: 4:49   الدقة: عالية
التصنيف: أشعار وقصائد   الكلمات الدلالية: مصطفى العيساوي
تعليق بواسطة أحمد العثمانيے
جديد | الشاعر مصطفى العيساوي | قصيدة اريد ارتاح 2019

الكلمات :
أريد أرتاح
مدري بيا كتر ضميت سري وسولفوه صياح
شحجيلك مهو الغرگان، لو حصل نفس چا صاح
مرات المحنة تعيل، وترد تنشد اعلى الراح
والتم مثل شمس غروب، ادور عن ضواي الطاح
ياهو الشاف راحة بال، ياهو اللگى سنين وكاح
ضايعلي عمر ووجوه، ضايعلي ضحك مرتاح
ندهت آخر تعب بالروح وگتلهم، أريد أرتاح
أريد أرتاح، النخل شيعود للفلاح
ليش تروح روحه لو عثگ يلاح
ضميت الجرح، ضمة الشيبة بغيم
وغيم ليل راسي، وگلت همي انزاح
ثاري الليل أبيض، شيلة أُمي الليل
كبرت وشفت فرق الجاي عن الراح
لتلوم السفينة لو خذاها الريح
الكادر بي خلل، والمشكلة الملاح
عكس طين السواجي يختنگ بالماي
حتى يشم هوى من يكبر السباح
الشمع يآكل بروحه المهم يرضي الليل
وماگله انعمالله من إجى المصباح
على هز الجتف يرگص شكو غربيل
لا تستغرب من تشوف صاحب طاح
عوفك من گصبته المهم صاحب رآي
ترا البهلول عالم والحكم سفاح
مثل موسم حصاد السالفة بديوان
اثگل بالحجي، يحترمك المرواح
لترافگ سبوس وانتَ وكتك ريح
يذره بوكت تحتاج بيه جناح
ياهو الستر ربعه، الظرف لو الگراب ؟
الظرف ثوب الرسالة، وستر مايلاح .
ذم ممشه الگراب يريد صيت السيف
بلكي الناس مرّة تگله صرت سلاح
ضاعت مني كلمة بعمر لعب الطين
ولهسة ومالگيت الراح
حتى أرتاح، أريد أرتاح
مدري بيا كتر ضميت سري
وسولفوه صياح