المشاهدات: 1523   المدة: 12:28   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة Zahraa ❤ Al obaidi
سيدي. مالي عين أنظر عليك
سيدي. كربله شمسويه بيك

انته كل حسره التذبها . نار مشتعله ابمخيم
وتوگف إعله التـله تقره . مقتل حسين ابمحرم

كربله شمسويه بيك...
______________________________


للمخيم تجي ابدمعك . والمصيبه اتخط وراك
الطف مثل ماهوه بعده . اتشوفه مولاي ابضماك
اتشوف أثر ذيچ الحوافر . والدمع بالعم خذاك
حسين فوگ الرمضه عاري . وخنصره الطايح هذاك

سيدي. تلزم الخنصر بديك
سيدي. كربله شمسويه بيك
______________________________

للرباب اتشوف خيمه . وتلگه كاروك ابطنها
بس دللول ابصداها . شابت الخيمه اعله ونها
وتلگه آه وتلگه حسره . وبالمهد ماتلگه ابنها
وتلگه فوگ المهد ذكره . محنيه كاروكه بحزنها

سيدي. تبچي واگماط ابـإيديك
سيدي. كربله شمسويه بيك
______________________________

لن تعاين خيمه ظلت . منچفي وطايح عمدها
للحرگ آثار بيها . احترگت ومحد خمدها
هاي خيمة هاشميه . ياهو يگدر حدها
عدها خمس اخوان لاچن . ردت من الطف وحدها

سيدي. دور أبوفاضـل عليك
سيدي. كربله شمسويه بيك
______________________________

اتشوف خيمه ابلايه رايه . وبيها كلشي ابلايه راي
وبيها شوغه من التراچي . وبيها صوت ايتاني ماي
الخيمه اظن هاي الـ رقيـه . والحزن من عدها جاي
چنها تشكيلك هضمها . اتگلك اتنوع گفاي

سيدي. چف رقيه يومي ليك
سيدي. كربله شمسويه بيك
______________________________

اتشوف خيمه وچنها ظلت . تنتظر زفة شباب
كل ركن متحني بيها . حسرة أم و دم خضاب
اتشوف أثر چفين رمله . باقيات إعله التراب
امسويه زفة من النواعي . وعالگه اشموع العذاب

سيدي. يعله للقاسم بچيك
سيدي. كربله شمسويه بيك

______________________________

كلمات : أبومعصومة الفريجي