المشاهدات: 144   المدة: 2:56   الدقة: عالية
التصنيف: أشعار وقصائد   الكلمات الدلالية: عبد الوهاب الحمداني، احمد العثمانيے، Ahmed Alothmani
تعليق بواسطة أحمد العثمانيے
وديتلج وي الگمر ديرة هلا
ورفة خواجي ومستحة
وريحة نثاية مهلهلة
وردتج تجين بضحكتي
وماصحلي طارش للنذر
وردت اشتري من الله الهوى
واشرب روازين العمر
يمرايتي الليلة گدِر
حليتلج ميّة ظفيرة
ولا شفت خصلة فجر
وصليتلج ميّة نِهد
لمن غفى بجفي الخصر
وغنيتلج كل القصايد
والرسايل
والمواويل
و سوالفنا الشِعر والمو شِعر
يمرايتي الليلة گدر
وباجر يمر بينا ال​عطش
ونفرفح طويرة عتب
ماظن يكفينا صبر
وانا اعل​ى باب حجياتج
بلكت حرف يترس قصايدنا خمر
بلكت تمر نسمة صدگ
تفتحلي شباچ الجدايل وأنتظر
يمرايتي الليلة گدِر
وانا نبي ومتعوب من ليل الوِتر
صلّيني بأحضانج شفع
خل انتجي
تدرين المرايات تطفة بل​ا وجه
يمسح تجاعيد البجي
وتدرين الول​ايات تفعى بل​اية شاعر
يعلگ شموع الحچي
وانا شاعر