المشاهدات: 2609   المدة: 9:56   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة عِشـق ❤️♪
امك يجاسم بالدمع طفيت الشموع
.والحنه دمك والشهاده عرس الدموع
_________________________
ياتعب عمري وسهر ذيچ الليالي
ذكرياتك صور مرسومه اعله بالي
غالي انته وعمك المظلوم غالي
بكربله جازيت تعبي وكل دلالي
يالبيضت وجهي رغم ماگلبي مگطوع
والحنه دمك والشهاده عرس الدموع
_________________________
اسنين وعيوني عليك وگلبي صابر
تكبر اگبالي واشوفك گمر زاهر
يالترست الروح آمال ومشاعر
صورتك بدموعي رسمتها النواظر
حتى النبض صار بغيابك ياابني موجوع
والحنه دمك والشهاده عرس الدموع
_________________________
من رسم دهري تجاعيد عالخدي
جنت أشد الحيل بيك وانته عندي
لكن وداعة غلاتك ذاب چبدي
بيك وصاني الحسن ودموعي ردي
كلي يارمله بيوم عاشر روحج تلوع
والحنه دمك والشهاده عرس الدموع
_________________________
كربله والموعد بعاشر محرم
والنهار ايصير يشبه ليل الاظلم
انطيتك وصية ابوك ودمعي هل دم
اتوجهت لحسين وگتله ارخصني ياعم
شاف الوصية وشفته ناح وگلبه مفجوع.
الحنه دمك والشهاده عرس الدموع
_________________________
اني بالخيمه وعله الميدان اباوع
دهري كل لحضه بخبر مشؤم راجع
من طلعت وگلبي وياك طالع
وانقبض چن خبر موزين سامع
ثق گلبي يعلم ماتجيني وترجع ارجوع
والحنه دمك والشهاده عرس الدموع
_________________________
يابني معذور الدمع لجلك أهله
صعبه ترجعلي وذر لاتظنها سهله
بخيمتي ويمي الحرم يانوح أمله
كگنه نتناوب نون ثكله ويه ثكله
لاماخفه يمك نحيبي ووني مسموع
الحنه دمك والشهاده عرس الدموع
_________________________
كربله شعافت مصايب تأخذ الروح
احسين عمك يبني بعدك شفته مذبوح
نطفي يانار بدمع من نار مسفوح
نار تلهب بالخيم لو نار الجروح
حتى البجي بدرب السبي ياوليدي ممنوع
والحنه دمك والشهاده عرس الدموع
_________________________

كلمات الشاعر ~ عمار هليل الواسطي