المشاهدات: 544   المدة: 6:19   الدقة: عالية
التصنيف: أشعار وقصائد   الكلمات الدلالية: محمد الاعاجيبي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
هاذي ام عون لو عباس
هله بالأجت منتصره

هاي البين اديج احبال
لو تسبيحة الزهره

شو مسبيه ويرجفون
شتسوين إذا حره

مولاتي اشحاجيتي يزيد هناك
اشبنيتي وانهدم قصره

اها مو هالأكولن ليش
عباس انعدل ظهره

وين الدك صدر لحسين
وين الشايل الرايه

وين الشاك رايه ابسيف
والكصته امدمايه

وين البي أثر زنجيل
وين اليثغب اهوايه

الضعن راجع اوفزعه ايريد
ابموقف نشط بحجايه

خل تسحكنه زينب كاع
وإذا سحكتها بهدايه

كل نكلت جدم يخضر
منها هرش مشايه
________________

افزعوا تره العلويات
ردن بيرغ امحزم

كومونه لعلي السجاد
كومه ولد لابن العم

وهاي الروس اجت عدله
وتدير الوجه و تتكلم

مدارس روسكم مو روس
اجت تنكط علم مو دم

ماظل رمح عد الكوم
إذا مو بيهن اتعمم

_________________

كومونه نصير اتراب
تحت كل ناكه مسبيه

وللنكع جوه راس احسين
بلكت يبرد اشويه

انصبوا الموكب الزينب
دربها حار بالجيه

وشرط ماينصب بالكاع
على هودج العلويه

زينب والما ذب عليج افياي
هم لا خيراً ابفيه

__________________

كعد الظعن خل يرتاح
وخل بركابنه انعزبه

هذا الجاي اهو السجاد
الشمس جا خيرهه امحدبه ؟

ابركبتك جامعه مولاي
لو هاي السمه امجلبه ؟

شنو امجتف سنسله ابرجليك ؟
عرفتك رهبتك رهبه

من اتوجت العصه اعليك
ودليت المرض دربه

____________________

الشاعر محمد الاعاجيبي ١٤٤٠.. ٢٠١٨