المشاهدات: 4727   المدة: 10:47   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ♪ Ašk ♪
انه دوم بخيــر .. على راسي الطيــر
"اذا انتَ وياااااي .. ياخوية "

1
كأن الطير فوگ الراس
مثل للهيبة والسطوة
واحس اني اعله راسي الطير
اميرة ابعالم الخوة
انه وانته بفرد شريان
خدر ويعانگ امروة
وانه قبل الارض گتلك
اروح المشيتك فدوة

سوه كون انموت
سوه بالتابوت

حلمي ودعوااااي .. ياخوية

انه دوم بخيــر .. على راسي الطيــر
"اذا انتَ وياااااي .. ياخوية "
_________________________________

2
يماي الماي صفنت ماي
بين اعيونك اوثغرك
مثل ماتصفن الفرسان
من يطفح زعل صدرك
اعرفك مبتسم زعلان
بس اتبــاوع الظهــرك
ابد ماينكشف مصباح
اذا ماينكشف نحرك

مشي ايد ابــ إيد
واحس انتَ ابعيد

ملكت دنياااي .. ياخوية

انه دوم بخيــر .. على راسي الطيــر
"اذا انتَ وياااااي .. ياخوية "
_________________________________
3
فرح محزن سمح زعلان
سهل مرتاح لو تصعب
تسولف اسكت اتأشر
تمانع تبتعد تگرب
تضل بعيوني ذاك انتَ
حبيب ابكل طبع تنحب
اذا اشرح جزء منك
يبوفاضل صدگ اتعب

اذا جزئك كون
انه اشرحه اشلون

ترا تصعب هااااي .. ياخويه

انه دوم بخيــر .. على راسي الطيــر
"اذا انتَ وياااااي .. ياخوية "
_________________________________

4
چبير ابيوم مولودك
تريد اخيالي يتحجب
طفل حاظنتك ابـروحي
واشوفك اصلد وأرهب
سؤال الطف سؤال الناس
سؤال الخيمه من تلهب
بلا زينب اكو عباس!!
بلا عباس اكو زينب!!

اذا احنه انروح
فلا بالطف روح

نعم احنه اهوااااي .. ياخوية

انه دوم بخيــر .. على راسي الطيــر
"اذا انتَ وياااااي .. ياخوية "
_________________________________

5
يقائد جيش ابوالسجاد
وينه الجيش ماشفته
اثاري انته يخي قائد
واثاري الجيش هم انته
منو مثلك يلوح الغيم
ولكن ينحني لاخته
يسد وجه الشمس جفك
نجوم الظهـر بايـسته

عذب اومـملوح
جارح اومجروح

ضمـة وانتَ المااااي .. ياخوية

انه دوم بخيــر .. على راسي الطيــر
"اذا انتَ وياااااي .. ياخوية "
_________________________________

6
اذوب ابوجهك الخجلان
بلا تقصير تتعذر
حلاتك لو حچيت اوياي
تدنگ والوجه يحمر
يـبوطول اليگصر الناس
الأشم من هيبتك يصغر
يعين الزهرة من اتطيح
تطيح اعيــون للـخدر

اذا وجهك غاب
ولا شي ينهاب

وانه كثرة اعدااااي .. ياخوية

انه دوم بخيــر .. على راسي الطيــر
"اذا انتَ وياااااي .. ياخوية "
_________________________________

كلمات الشاعر المبدع: السيد عبدالخالق المحنه