المشاهدات: 630   المدة: 10:26   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
انا عاشـگ يابوفـاضل نارك
وارد أنشـدك يـالهواي أخبارك
علي شگ حايط الكعبه بيـوم صار
چا انته اشسويت يوم صيارك

شگة گاع جيتك يالهيبـه
چا عباس يامريه اتجيبـه

يعباس عاشگين عيونك
يعباس عاشگين عيونك

****************************

كون كل حايط نحطلك صوره
حتى يابيت الـ نطبله انزوره
كون مانرفع علم يوم الخميس
نرسم اعيونك على الصبوره

يعباس وانته سوي العاجبك
والـ بي زود عود يرسم حاجبك

يعباس عاشگين عيونك
يعباس عاشگين عيونك

****************************

ثوره عدنه والعراق الغايه
واحنه وادم للوطن شرايه
يابوفاضل والشجاعه العدنه هاي
علمتنه اعليها بالمشايه

صرنه اسباع چي اجينه ابرايتك
والثوار كلها من مشايتك

يعباس عاشگين عيونك
يعباس عاشگين عيونك

****************************

النار تعرگ من تفيض احرورتك
يابوفاضــل ياحـلاة امرورتك
وجه يوسف چان آية من الجمال
يمكن امراوينه شي من سورتك

يامحلاك يالمحير الودام
بالعيون حتى يوسف هايم

يعباس عاشگين عيونك
يعباس عاشگين عيونك

****************************

ها ينيشان الكرم وزياده
حتى من يختاض ينطي امــراده
الساده تكشخ بالچفافي الخضر دوم
وانته چفيتـك امحليــه الساده

يـ عباس لازم احنه انطوفك
والتاريخ عابراته اچفوفك

يعباس عاشگين عيونك
يعباس عاشگين عيونك

****************************

كلـمـات : سيـد محمد الموســوي