المشاهدات: 9567   المدة: 18:49   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
ليلة 2 محرم الحرام 1440
قصيدة آني ماحبك
اداء: الحاج باسم الكربلائي
كلمات: الشاعر السيد عبدالخالق المحنه
المكان: هيئة شباب الأكبر (ع) - لندن


الكلمات
-----------

آني ما احبك حتى تأجرني
لا ولا ابچي حتى تشكرني
اني حبيتك لإن
ماتموت ابكل زمن

ملك .. ملك
..................

اني حبيتك لإنك يختلف وضعك
حته ع الرايد يذبحك ينهمل دمعك
انته كل ما جاي تعله محد ايوگعك
يبست الكلمه اعله شافك لكن انسمعك
الف واربع مية عام وثابت ابطبعك
الله گـلك طيح مره وللسمه انرفعك

شما اسد عيني .. گـلبي يندلك
لوجمر دربك .. والله اوصلك

انته للضايع وطن
ماتموت ابكل زمن

ملك .. ملك

..............................

مره شفتك ع الشريعه وايدك ابخصرك
ثاري من كلمة يخويه منكسر ظهرك
وآ أخا رادوا قتلها ولاذت ابثغرك
جمرة من نار المخيم تنطفي ابنحرك
من حسبت اجروح جسمك شفتك اشكبرك
للسهام التخطي صدرك يعتذر صدرك

تنظر اطفالك من يسلبوهه
صحت اسحگوني ولاتسحگوهه

تسمع اخيامك حجن
ماتموت ابكل زمن

ملك ملك

......................

كلهه سكتت وانته تحچي ابنبرة احساسك
والهوه كله ملكته ابگـطعة انفاسك
من طحت ع الغبره عاري والنذل داسك
داسك وقصده ينزلك وارتفع راسك
والسمه ماشاف صدرك بالظهر باسك
حاول ايطيح ورفعته بـ إيد عباسك

ع الرمح راسك .. راد ينصرني
يالنمت عاري .. حته تسترني

ميت وتحكم إذن
ماتموت ابكل زمن

ملك ملك

.............................

ماشفت مذبوح مثلك روحه ناسيهه
وانته روحك يم خيامك من يطفيهه
من شلت ايدك عرفتك كلمه تحچيهه
ردي يازينب تگـلهه خايف اعليهه
هالله هالله اشبيك رقة لو تبديهه
تمتلي كل الخليقه وهم يضل بيهه

لهلـ سبب روحي .. هامت ابروحك
والبشر فدوة .. لأصـغر جروحك

ضامي وهمومك مزن
ماتموت ابكل زمن

ملك .. ملك

............................


معركه اخرى شفتهه العطش وانته
يالبقيت ابماي وجهك والنهر عفته
الماي راد ايبوس ثغرك انته مابسته
والطفل من صاح ضامي نبله شربته
والمهر هم چان ضامي انته قدمته
گـال لا ماشربه قبلك يعني علمته

كولشي جننته .. حته ميمونك
هم بقه ضامي .. لـخاطر اعيونك

گـلك اليوم وغداً
ماتموت ابكل زمن

ملك .. ملك

.......................

ماسمعت الآه منـك إلا بس مره
اسمعتهه وگـلت حتماً أذوا الحره
مستحيل اخيول عشره صدرك اتكسره
اتكسر ابحيره رقيه ابخيمه مستعره
اتكسر ابونات زينب راسك اتنظره
اتكسر من الشمر شتم امك الزهره

ليك اجت زينب . من رجع مهرك
رادت اتشبـگك .. ما لـگت صدرك

صاحت اختك بـالعلن
ماتموت ابكل زمن

ملك .. ملك

........................

قطعه من صدرك شفتهه زينب اخذتهه
واختلف وضع العقيله ابيوم شافتهه
ثاري هاي القبلتهه من امهه وصتهه
واعله كد القطعه شافت أثر بوستهه
رادت اترجعهه لكن وين جابتهه
من لـگت خنصرك يمك يمه دفنتهه

قطعه من چـبدك .. من السهم طاحت
وقطعه بالحافر .. للخيم راحت

والحوافر أيـسن
ماتموت ابكل زمن

ملك .. ملك


............................

كلمات الشاعر السيد عبدالخالق المحنة

اداء الملا باسم الكربلائي - ليلة 2 محرم 1440

...........................

تدوين Zahraa Al obaidi