المشاهدات: 7152   المدة: 4:03   الدقة: عالية
التصنيف: صوتيات دينية   الكلمات الدلالية: قاسم الساعدي، منتظر العبودي، علي المسلم، حيدر الموسوي
تعليق بواسطة Zahraa ❤ Al obaidi
فدوة اروحن زوار لترابكم
بلكت انصير اليوم خدامكم

منين ماتطلع تباوع
كلها مگطوعه الشوارع
غيمه سودة اتعنته

اتريگوا يمنه وتغدوا
صار الغروب وتعشوا
وبَيّتوهم شيعته

الك شالو رايه حمره
ولبوفاضل رايه خضره
فدوة اروح لرايته

خل تجينه الدول كلها
والعزوبيه احنه اهلها
الخير كلها ابسفرته

حسين فاتح ديوان جدامكم

فدوة اروحن زوار لترابكم
-------------------

البصرة شالت علم عالي
حسين عدنه اتگول غالي
واليجينه اندلله

وشفت زود اهل العماره
گبل لاتبدي الزياره
عرضوا اهل القافله

وشوف ملگه الناصريه
تلگوا الحرة السبيه
ووصلوها الكربله

وشوف زود اهل المثنه
شايلين اشگد محنه
كلها تصرخ ياهله

وخل ابوسن هاليوم بجدامكم

فدوة اروحن زوار لترابكم
-------------------

الكاظم ابغداد قائد
جابهم ماخله واحد
واتعنوا مشايه

الحله وگفت يم شريفه
والحسن فاتح مضيفه
مقر للوفايه

والديوانيه اعتنيها
الحمزه ابوحزامين بيها
بيده شال الرايه

قافله من الكوت طلعت
وصلت الكربله وعرضت
للگمر وفايه

وطلع خيال النجف يبرالكم

فدوة اروحن زوار لترابكم
-------------------

مانفرق من نعزب
ياهو اليمر بي نچلب
كلها نفس المستوه

انفتح البيبان كلها
الخدمة ماتلگه مثلها
وحگ شيال اللوه

امس زاير يمي گاعد
والدلال اعله المواگد
گال صبلنه أگهوه

بي مرض بس ماعرفته
لچن مايك من شربته
نزل لجروحي دوه

الحسن هذا الفنجان ودالكم


فدوة اروحن زوار لترابكم


-----------------------------------

كلمات الشاعر ماجد الفياض