المشاهدات: 1699   المدة: 18:55   الدقة: عالية
التصنيف: صوتيات دينية   الكلمات الدلالية: محمد الجنامي
تعليق بواسطة صفاء العامري
اول محرم والدمـع .. بعيـوني فك بابه
والزهره تلطـم عـلضـلع .. لحسـين ومصـابه
ننصب عــزاء ونبـدي
بإسم الإمام المهــدي
لحســين ومصـابه
لحســين ومصـابه
1
الحمد لله وبعد بيه تنزل تصعد الانفاس
وبعده الچف قوي والطم على صدري وادگ عالراس
العمر شنهو بلا مجلس اموت ابلا عزا ياناس
وآنه اموزع احساسي بين حسين والعباس

لابسها مظهر للحزن دشداشتي السوده
وشلون ماقيم العزا والزهره موجوده

اتنادي ابهضم ياولدي
بإسم الإمام المهدي
لحسين ومصابه
لحسين ومصابه
2
يلوموني على المجلس واسمع للمخاطر صوت
وگالوا تهلكة وناديت العزا بأم الحسن مبخوت
إذا چان اعله مود حسين يا مية هلا بالموت
الچفن راية مواكبنا وخشبة منبره التابوت

أم الحسن فتحتت سجل والدمعه هماله
والكتبت اسمه فاطمه من ألف هنياله

فترة الخطر ويعدي
بإسم الإمام المهدي
لحسين ومصابه
لحسين ومصابه
3
آنه عشرة وفه عندي ياهالناس وي عاشور
ادور ابدمعتي اعله حسين اشما بيه الزمان ايدور
اهلال الحزن من شفته تراوالـي ضلع مكسور
وتراوالي ظهر محني ونهر يمه بطل مغدور

بعيوني صار العلگمي رويه بأثر رويه
واسمع ابوفاضل هتف ادركني ياخويه

وانه صحت من وحدي
بإسم الإمام المهدي
لحسين ومصابه
لحسين ومصابه
4
انه من اصعد المنبر دمعاتي اعله خدي اتسيل
واذكر زينب اعله التل صعدت واعله اخوها اتصيح
چان حسين يسمعها وماكو ابجسمه عظم اصحيح
يزحف مره مره أيگوم ولو گام اعله وجهه ايطيح

زينب تطيح ابطيحته عذروني يساده
وحسين ينظرها ابدمع سوه الثره اوساده

ولخده الطم خدي
بإسم الإمام المهدي
لحسين ومصابه
لحسين ومصابه
5
من انظر خيم موكب انه الزينب اشوف اخيام
محروگه اووسطها ابخوف تتراكض حرم وايتام
على ظهري من ادگ زنجيل اتصور عصي الظلام
واتخيل حوافر خيل رضت للحسين اعظام

مهدينه كل صبح ومسه من يبچي مالومه
گطعوا نحر هتكوا ستر آه يالسبي اويومه

ابضعن الحزن گمت احدي
بإسم الإمام المهدي
لحسين ومصابه
لحسين ومصابه
7
هذا انه الحزن طبعي وعلي ثوب الفرح ميلوگ
بعيوني صور للطف وگلبي من الحزن مخنوگ
يالتنشد على زينب خدرها اويه الخيم محروگ
وعگب چفوف ابوفاضل يصير الشمر حادي النوگ

زينب تحشم ياهلي مسبيه ودوني
وذباحكم هوَّ الذي متّكفل اضعوني

لليوم صرخة اتودي
بإسم الإمام المهدي
لحسين ومصابه
لحسين ومصابه
________________________

كلمات الشاعر " وسام الشويلي"

....