المشاهدات: 108   المدة: 9:35   الدقة: عالية
التصنيف: صوتيات دينية   الكلمات الدلالية: Hussein Hameed
تعليق بواسطة Hussein Hameed
الكلمات : -

هاي ام الاكبر هاي ساهر جفنها
وتعاين امن بعيد جثت ابنها
_______________________
هودر عليها الليل ليل المصايب
سهرانه من ابعيد ضلت تراقب
تشوف الولد مطروح فوك الترايب
كلما تصد اتهيج لوعة حزنها
___________________
ذبها الحزن وتصيح يبني يالأكبر
لو ردت اجيك اشلون يوليدي مكدر
من كل كتر هالخيل مشحوله بالبر
وامك يروح الروح كطعت مضنها
______________________
يوليدي صار الليل وهاي اني امك
ما ترضه عيني تنام مشبوحه يمك
يالجثتك عالكاع غسلها دمك
يبني عجاج الخيل فصل جفنها
_____________________
يوليدي كلبي عليك هايج حنينه
وجهك دمع عيناي رشع جبينه
كترك اشوفه أجساد ضلت رهينه
متصرعه عالكاع محد دفنها
_______________________
كطع نياط احشاي سيف المنايه
امشي ومحن دنياي يمشن ورايه
من كل مهب وصوب جتني الرزايه
يالاكبر ودنياي شترجهه منها
______________________
ما سفحت من العين دمعت مصابي
هذا اليصب ويسيل دمعت عذابي
بالواحد المعبود صار احتسابي
روحي احتفت والضيم ينشدني عنها
________________________
للشاعر الأستاذ جابر الكاظمي