المشاهدات: 1192   المدة: 9:49   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة ‫محمد سعيد‬‎
"ابدفتر اصحاب ابنچ اتسجليني
باچر المهدي يكحل عيني"
1
من يطلع المهدي ويشع نوره
لكل شخص منه ينعرف دوره
ثار الضلع منهاج دستوره
ويصيح نار الباب تچويني
2
يم الحسن لازم يهل باچر
نجبر المكسور والخاطر
يلبس احرامه يمچ الزاير
وينـادي يازهـراء اقبليني
3
امنيتي يزهره بقت هايه
نگصد الگبرچ كلنه مشايه
يم الحسن رايه ابأثر رايه
باچر اواسيچ اوتـواسيني
4
باچر يفاطم يتضح سرچ
نبني المواكب يم أثر گبرچ
باچر يفوح اعله الخلگ عطرچ
ومن كوثرچ يزهره ترويني
5
ابنچ حسين ايحمل اطفوفه
يم الضريح امحزم انشوفه
ويعزب العباس بـچفوفه
كافل ضعن زينب تعرفيني
6
وحيدر نشوفه وزينب الحره
ديوان ابنچ فاطمه اشكبره
اتمنى اوگف يمچ او أقره
كسر الضلع لليوم ياذيني
7
اقسم إلهي ابحق ضلع فاطم
ودم الرضيع وحنة القاسـم
اتگلي اصعد واقره ياباسـم
اقرالي مقتل زهرة اسنيني
8
ينصب باچر مأتمچ گوه
ويه النواصب تخلص العطوه
ونلوذ يمچ يم المروه
ويوم القيامه ابچفچ اخذيني

كلمات الشاعر | علي سعيد الطائي |