المشاهدات: 1383   المدة: 12:10   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة أحمد العثمانيے
ليلة 25 شهر محرم الحرام 1440 هـ
قصيدة : بهاي إديه
أداء : الحاج باسم الكربلائي
كلمات : الشاعر حسام الحمزاوي
المكان : حسينية وموكب أم الحسن - الفاو

الكلمات :
بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي

والله ما انساهم الجانو ضواي
راحو وهمزين ظل بعيوني ماي
چنت أمشي بأخوتي مأمن گفاي
هسة لمن ألتفت محد وراي
انا زينب فارگوني، گمرة گمرة
راح اوزع من عيوني، گمرة گمرة
دمعي بيه عالأحبهم، والي والي

بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي

من علي السجاد يلجمني الهوه
ذكريات اجفوفي وجفوفه سوة
مثل ما بمتوني بمتونه انجوه
لعلت افراگي بعد ماكو دوه
مني راحو ماي عيني، گطرة گطرة
واستراحو ظل حنيني، گطرة گطرة
من الأذية سولفتهم، حالي حالي

بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي

حيلي صاير خيط من دفن النجوم
إلى اگولن ياعلي لو ردت اگوم
لان وحدي وصار يرجحني اليلوم
من الشماتة ماتشوف عيني نوم
باشتياقي بگلبي نبضاً، دمعة دمعة
الليلة كله بخدي ركضاً، دمعة دمعة
ماكو جية شاهدتهم، تالي تالي

بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي

صرت اول حرمة بفراگ أنذكر
شسوة بيه الله لا ينطي الشمر
ماكو واحد ماعرف بيه كسر
من مشيتي امبينه فارگني بدر
ظلي ظلي حشمتهن، نجمة نجمة
يسولفلي عن گمرهن، نجمة نجمة
بكل مسية انتظرهم، عالي عالي

بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي

اصفن وعيني يغمضها الدرب
انا اول تالي بسياط انضرب
تراب من راسي وصل حد الگلب
حيل وياج اسمعتها من الغرب
من سكوتي بيه تكبر، چلمة چلمة
حتى صوتي يطلع احمر، چلمة چلمة
مو سبيه بس عفتهم، خالي خالي

بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي

بگلبي لچلمات الحرب ماظن تروح
من الطفوف لحد علي السجاد انوح
والله مدري شلون ظلت بيه روح
الموت ماخذ راحتي وخله الجروح
لموتي اصبر بس اتاني، ساعة ساعة
ميته وانظر موت ثاني، ساعة ساعة
الموت اليه عاهدتهم، تالي تالي

بهاي إديه ودعتهم، غالي غالي
شظال بيه ودفنتهم، غالي غالي
على دموعي واعدتهم، غالي غالي