المشاهدات: 157   المدة: 5:26   الدقة: عالية
التصنيف: أشعار وقصائد   الكلمات الدلالية: سمير صبيح
تعليق بواسطة أحــمــد
تگلي اكتب عالغزل عن البنات
ياترافة تريدهه بشعري التفات
تگلي شعرك ليش اهات ودموع
انت حقك ماشفت خط الشروع
انت ساعة سين تعرفهه شتلوع
الغاية تعرفهه تعرف الهاونات
شعري فك عينه لگه گباله نطاق
وبندقية وسفري وحب العراق
حبله وحده والمواعيد التحاق
چان موعدهم يتم بالعارضات
شعري شاف الموت ما شاف الورود
لا بنفسج لا اغاني ولا وعود
الشاف ذولة گبالة يكتب عالخدود
شاف بعيونه التعوق والي مات
هناك عندي عيون ضلت ماتنام
حته يبقه براحته يطير الحمام
هناك عالستار عشت قصة غرام
چنت عاشگ راجمة من الراجمات
وخلي اسولفلك بعد عن الحصار
والدمار الصار مابعده دمار
ليل بغداد القصف سواه نهار
وخدج اطفال انتهوا بالحاضنات
وشرد اغازل جارتي ام ثوب الوحيد
تگلبه خاطر ثوبهه يبين جديد
تنتبهلي لبالهه بالهم شريد
خدود صفره شلون اگول موردات
مرة گتلهه احبچ شو بچت 
وانه خايف خاف روحي تجاوزت
تبچي ثاري الحصة عدهه تأخرت
انسه ياحب عوفني ياذكريات
تريد اكتبلك غزل والغي العناء
وانه عشر اسنين گاضيهه بحذاء
هدومي طلبة وذاك من ذاك الشراء
فضل مني وعايش بهاي الحياة
انه ما احلم احب واهوه بجنون
قمة احلامي افصل بنطلون
اني لو مرتاح اكتب عالعيون
وعالشفايف والجفون الناعسات
من الصبح لليل اركض عالالف
بس طماطة وخبز ويخلص نتف
وانته مني تريد اكتب عالزلف
شلون ينده بالتراجي الغافيات
ويا علاقة اليوم مابيهه دغش
والعلاقة الطيبة تنشال بنعش
شتعتقد سوزان ترتاح لشلش
لو دهش كشاخ وتحبه نجاة
عدنه ليله تبيع بالوگفه دهن
وقيس حمال ويچد بس عالبطن
من سألت جوليت گالت بالسجن
روميو التعبان بايگ تايرات
وخلي يكتبلك دمع عيني اليسيل
عن بثينة وكتي يحچيلك قليل 
عدهه ست اطفال صاروا من جميل
كلهم يجدون بالشارع حفاة