المشاهدات: 1664   المدة: 20:56   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة صفاء العامري
حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي



أمس واليوم والتاريخ يــتكرر
يقتلون النبي وإبليس يتــصدر
دحدد موقفك وإختارلك عسكر
اكو عدنا علي وعدنا سقيفة شر
سيفين بچفك ماترهم لو للمنكر لو معروف
داير وجهك عن وجه الله وتظن تميز وتشوف
لو هاي لو هاي!!***خليك براي


حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي


إذا تحمِل حطب وتجامل الجاني
إذاً عِفت الزچية لخاطر الثاني
اكو كسرة ضلع بچفوف سفياني
أكو كلمة (وإن) باللسان شيطاني
خليك بموقف لاتغرك ضحكة هذا وكــــلمة ذاك
من تترك حيدر واولادة هواية تگُلك هاك وهاك
لو نار لو ماي***خليك براي




حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي



مواقف مؤلمة وكُلها إزدواجية
شنو گلبك معاي وسيفك علية
بمعنى تحب علي وروحك سقيفية
بچيت على الحسين وخذِت مسبية
غمضت العين وتتغاضى تعرف بس تلف وتدور
وتبين حرصك عالمذهب بس ضلع المذهب مكسور
وياه وياي؟****خليك براي


حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي




فرق عدنا بـ قياس الصدفة والفكرة
مثل مانختلف بالفوضى والثورة
نعم عدنا اليضحي للشرف نحرة
وأكو عدنا اليشب النار يم زهرة
هاي الفتنة وحكم عقلك لازم تصحى وكافي النوم
كلمة حق تكلفك روحك بس السكتـــة تذلك دووم
عالراح والجاي****خليك براي


حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي



يذكرنا الزمن بـِفلان وأحقــادة
علي صابر وأبو سفيان يتمادة
الا مِن ناصرٍ والسكتة كــالعادة
هذاك الخان حيدر خانوا احفادة
والناس الحرگوا باب الله بالعاشر ذبحوا اطفال
واليوم يســـبون العالِم حتـــى يقدمون الجُهـال
غدار وفاي؟****خليك براي


حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي



اكو باعوا ضمير وبالذنب ترضــى
اكو يذبح رضيع وراح يتـــوضــى
بشر تِعبد بشر يافوضة الفوضـــى
ترى الاذى الزچية ما حفظ عرضة
والـشيطان هــواي جنودة حفلتهم وكــــت الآذان
واليوم إتحاذر من تِلفُظ كلمة لعنة على الشيطان
نحتاج حماي****خليك براي


حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي



هويتك رافضي وبزودك اكشفها
علامـك ليش؟ تعرفها وتخالفها!!
صحيفة فـــاطمة بــالك تِحرفـها
إلك ضحت يمسلم عاد إنصفهــا
ضحتلك وتريدك فارس مو للــذلة تهـبط راس
لو ماتگدر تنطي چفوفك لاتمزگ جود العباس
لاتصير رماي****خليك براي


حاضرنا وماضينا تشابه دمع ايتام وخوف ونار
تتغير أشكال الفتنة والناتج نفس البسمار
آراء هواي****خليك براي

**************************
كلمات الشاعر: السيد عبد الخالق المحنة