المشاهدات: 1371   المدة: 11:36   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
حايرة ابين الثكاله ...

لاحراسه ولا كفاله ...

وحدي ابلا أهل ومچتفه بين العوالي
خلص دمعي واحرك بالجفـن لاكنه خالي
بعد شـبچي انه عيوني تصد روس الغوالي
إذا مسني الهوه ياذي المتن هذا انه حالي

حزن مايحصل مثاله

لا حراسه ولاكفاله

_________________________

اعله راس احسين اباوع والزجر يفتر عليه
وگـف عن المشي رمحه لمن طاحت رقيه
ردت انطيها ايدي اتـگوم بس مچتفوفه إديـه
يعمه اتگـلي من السوط ماضل حيل بيه

والشمر جرني ابحباله

لا حراسه ولاكفاله

__________________________

يراس حسين اون اعذرني لو طاحن بناتك
تره سياط الشمر ماخلن امتون الخواتك
طويل الممشه للشام وتشوف امخدراتك
رمح طولك صفه وچـنه انلوذ ابسد عباتك

راسك ايشاهد عياله

لا حراسه ولاكفاله

_________________________

حـلف سوه الزمان ويـةالشمر رايد يذلني
لچن هيهات وانه ابين راسك والكفلني
نعم جـدمي تعب والسوط اخذ كل حيلي مني
المهم راسك يضل عالي وسبيهم مايهمني

هايه للشامت رساله

لا حراسه ولاكفاله

_________________________

يـمن فوگ الرمح راسك يرتل أم حسبتـم
تـذل زينب فلا والله أصل الـذل أنتـم
يـخويه اعله الهزايل امشي واسمه هـل عجبتـم
يمـوت احسين هذا حسين يحچي ماسمعتـم

خويه وجهك ياجماله

لا حراسه ولاكفاله

_________________________

غريبه وعيني حمره من الدمع وجفوني ذبلت
سياط الشامت ابگلبي قهر وجروح خلت
لون امن التعب ودموع اخوتي اعليه نزلت
مصايب كربله صورهه دموع ظلت

عفت الحسين ابنباله

لا حراسه ولاكفاله

_________________________

درب كلش طويل وجـدمي بالغربه ايـتعثر
سبيه وعالهزل وبعينـي أشوف الدنيه منحر
تغير حته لوني امن التراب وشدة الحر
اگـولن حسبي الله وانتظر غايبنه يظهر

انتظر ساعة وصاله

لا حراسه ولاكفاله

_________________________

كلمات الشاعر # آدم الـحسنـي

_________________________

كتـابة..Zahraa