المشاهدات: 156   المدة: 21:09   الدقة: عالية
التصنيف: صوتيات دينية   الكلمات الدلالية: حسين والي اللامي، Zahraa Al obaidi
تعليق بواسطة عِشـق ❤️♪
شيخ العشيرة حسين
وسركاله ابوفاضـل
شما دارت أخته العين
شافت أخو كافـل

ولوانه.. ولوانه.. ولوانه
عباس اخينا وشايل.. لوانه

حلال المشاكل .. ابو فاضل
____________________________


عشيرة وسـلفها خيـمـها الچبيرة
ابزلمهـا وابـختها اشكبـرها العشيرة

حسين ياشيـخ وچبير الطايفه
يابخت يالتحله بيك السالفه
الف هنياله اليصير من السلف
يم ابوفاضــل يـأمن الخايفه

"اعمامه سوده الروس چان أعگالها
ونعم من شيـخها وسـركالها"

بيرغ يرف عالگوم، وينادي ياهـلناس
هذا السلف محلى، بي راية العبـاس

بيمينه.. بيمينه.. بيمينه
راية نصر مرفوعه.. بيمينه

حلال المشاكل .. ابو فاضل
____________________________

مهابة هواشم حلتله الصداره
يباوع على حسين يتاني إشاره

رتبة الخوة حِلت لمتـونه
اتبدت الغيرة نهر بعيـونه
علّگ إعله الخوذة ريشة ساده
والعلم فوگ العلم خيعـونه

"ليل صار الطف غبشله ابسيفه
ياخذ الجيش ويرده ابكـيفه"

بچفوفه لاح الغيم، خله النهر عطشان
هذا الچبير افعال، مو بس حچي بلسان

اخو زينب.. اخو زينب.. اخو زينب
بخزراته يگضيهم.. اخو زينب

حلال المشاكل .. ابو فاضل
____________________________

اجاهم كفوها اليحل الطلابه
ابفزعته عليهم تنـومس مهابه

من زعل عباس شد عصابته
ياهو غيره اللي يحل اطلابته
الليل ضل يتوسل وگله دخيل
اخذ لون الليل من اعمامته

حگها الزلم والخيل، تشرد اگباله اتگوم
صيده وصگر عباس، سيفه عليـها ايحوم

حي الله.. حي الله.. حي الله
والمعركة صاحت.. حي الله

"شردت الگاع وزلم من جاها
شيل تلبس بالحرب خلاها"

حگها الزلم والخيل، تشرد اگباله اتگـوم
صيده وصگر عباس، سيفه عليها ايحوم

حلال المشاكل .. ابو فاضل
____________________________

اخيته تشوفه وتذكره ابوصيته
تشجعه بخيمها وتحلفه بحميته

گلها عد عينچ يـ بت اشرف نسب
صفر هذا الجيش گدامي انحسب
وداعة الما عدها غيري ابكربله
الكاع والمو گاع بسم امها انكتب

يالخيمتچ بحماي، حالف اذبحه الجيش
خيرهم ابلا راس، بس اليموت ايعيش

يازينب.. يازينب.. يازينب
يعيون ابو فاضل.. يازينب

حلال المشاكل .. ابو فاضل
____________________________

على رموشه شايل عرش زينب اخته
مثل حر جهنم تموت خزرته

الله حط قوة علـي بچفوفه
الجيش وصلهم ركـض للكـوفه
اچتوفه هاي الناس بيهن ملكين
وهوَ زينب والخيم بچتوفه

"ابطن أمه وچان شـايل واهس
لو سمع بحسـين يـبقى يرافس"

ارجعلي ياعباس، گله ينور العين
ولچلمة الخويه، عطـشانه ذن يحسين

يازينب.. يازينب.. يازينب
يعيون ابو فاضل.. يازينب

حلال المشاكل .. ابو فاضل
____________________________

نبي الخوة اسمه وچبير ابوفائه
تره الحجة حاضر اكيد ابعزائه

ابمجلس العباس ياخدامه
المهدي ماتبقه اعله راسه عمامه
بالسره الاول يجي اهنانه ويصيح
حي على العباس يا اللطامه

يازينب.. يازينب.. يازينب
يعيون ابو فاضل.. يازينب

حلال المشاكل .. ابو فاضل
____________________________

يدكتور الامراض چفوفك تعالج
حوائجنه يمك ياباب الحوائج

على الميت لو نذب الرايه
ايگوم يتنفس لطم وقرايه
رايدين اتلاثه منك يالكفيل
دمعه تجري وموكب ومشايه

"واحنه لو متنه ابطريق الاربعين
إن لله وإنا للحُـسين"

وعله الگبر مرحوم ، هيچي تخط الناس
بس احنه من انموت، ننتقل للعباس

يازينب.. يازينب.. يازينب
يعيون ابو فاضل.. يازينب

حلال المشاكل .. ابو فاضل
____________________________

الكلمات: للشاعر كرار حسين الكربلائي
والشاعر محمد الجماسي