المشاهدات: 613   المدة: 12:55   الدقة: عالية
التصنيف: صوتيات دينية   الكلمات الدلالية: مرتضى حرب
تعليق بواسطة طُهَرالْغَيم
حي الله ابوطاهر .. حيد الحرايب
بالكوفه ماحاير .. محير الكتايب

الكل يعرفونه .. الموت بعيونه

حيد الحرايب

****************************

عسكرهم بالآلاف.. واكثر منهم إيده
يازلمه اليلاگيه .. المدربه الصميده
عطر المرجله ايفوح .. من والد حميده
هاشم كسر الخشوم .. اعليهم مو جديده

هذا البي من شمرة حيدر .. ضهضب والموت ابعينه
من شافوه اتذكروا خيبر .. الموت الاحمر چفينه
خله الفارس يمشي ويعثر .. ناذر لحسين اسنينه
علمحد يگدرهن يگدر .. احتارو موش امحيرينه

من شمر اچفوفه .. حيد الهواشم
تتمايل الكوفه .. ضلت يوادم

مايلاگونه .. الموت بعيونه
حيد الحرايب
****************************

مسلم يومه معروف .. حط حد للمراجل
خيال ليهن ايصير .. يتمنن الاصايل
بس وحده اويهابون .. من سيفه البواسل
چا بالكوفه شيصير .. لو ويا ابو فاضل

هذا ابن النساب العالم .. والما يتگابل سيفه
من تحتار ايدلي الوادم .. وما ينرد باب امضيفه

شايل كل غيرة هاشم .. الملعب لو طبله ابكيفه
محلاه ابچفه الصارم .. من يبرز ياخذ حيفه

من هلهلت طوعه .. لوالد حميده
خلاها مفجوعه .. الروس العنيده

من يشوفونه .. الموت بعيونه
حيد الحرايب
****************************

حيته اوعلى الخيل .. شد اوشيماها
ضيگ بيده النگاب .. مسلم واعتناها
طاسة ماي الرجال .. ييمنه چفاها
ازلام المثله بالسيف .. دور ما لگاها

حي الله المايهتم بيها .. ثابت يبقه اشما ثگلت
فرسان الصلبه امخليها .. چي شالت سيف اتندمت
مسلم والكوفه امبچيها .. منه الحيطان انذهلت
هاشم رايتها امعليها .. اترف بيمينه وما نزلت

راية بني هاشم .. حگها نطاها
طيح شكو ظالم .. وماطيحاها

حطها بمتونه .. الموت بعيونه
حيد الحرايب
****************************

ذكرهم لمن صال .. بالچانت طبرته
بالنص واليلاگيه .. مايلگه رگبته
اچم فارس من الخوف .. ذبته مهرته
مسلم محله يمناه .. ماتنصد ضربته

يتنخه ابعمه ويتباهى .. ويگلهم ترياته آنه
الما تتگابل خلاها .. محد ثابت بمچانه
اترد ماتصمد وازاها .. الميدان اصبح ميدانه
مسلم موت اتعناها .. بالميدان العز شانه

خزراته چتاله .. شيم عمامه
ماخله خياله .. اتثلم حسامه

مايوصلونه .. الموت بعيونه
حيد الحرايب
****************************

وين العنه ينگال .. خواض المنايه
فات ابكل الحروب .. ماطاحتله رايه
المنها اتهاب الرجال .. يگلهم يمي هايه
مسلم يعتني اعليه .. وعلى إيده النهايه

ايطبره ولا گلبه ايرف منه ..المنه اتهاب الخيال
مسلم متبسم متعنى .. يخلي يعثر بخياله
يحتار الگالو عنه .. ماضل فارس ماناله
اچفوف الغيظ ايسطرنه .. مسلم هاذ اشحسباله

هذا اليشبهونه .. ابحيدر إذا هد
وعداه يعرفونه .. طگته ما تنصد

مايعبرونه .. الموت بعيونه
حيد الحرايب
****************************

كلمات & أداء : مرتضى حرب