المشاهدات: 1051   المدة: 11:16   الدقة: عالية
التصنيف: صوتيات دينية   الكلمات الدلالية: جليل الكربلائي، Zahraa Al obaidi
تعليق بواسطة Zahraa ❤ Al obaidi
دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين


يحسين اعله حبك ناذر اسنيني
حبيبي انته ودمه يجري ابشراييني
جرح يحسين من اغفه توعيني
القلب والعين انته ونور الـ بعيني

ادور اجيتك .. بدليلي لگيتك
ضميري وصفاتي ..حبيبي حسين .. حبيبي حسين

✿✿✿✿✿✿

دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين

✿✿✿✿✿✿

اشكثر حرموني منك حسبوا انساك
وانا من اطبگ جفن عيني حلم الگاك
ابكبر صبرك على المحنة الگلب يهواك
جبتها من الزغر رحلة عمر وياك

علاقة عجيبه .. حبيب وحبيبه

حلم ذكرياتي ..حبيبي حسين .. حبيبي حسين

✿✿✿✿✿✿

دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين

✿✿✿✿✿✿

تهيم الروح بالحب من يمر إسمك
گلَي أّشلون لو عيني تصد رسمك
وحگ طبرات يوم العاشر ابجسمك
اعله شوگ البينه خدمة عاشگ انخدمك

يدمع المآسي .. يتاج اعله راسي

يـ رمز الأُباةِ .. ..حبيبي حسين .. حبيبي حسين

✿✿✿✿✿✿

دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين

✿✿✿✿✿✿


على قبلة غرامك الچم جروحي
واذوب بالمحبة الخاطرك روحي
ابحليب امي قسم ماينگطع نوحي
ولا انسه الظمه ومصاب مذبوحي

ابضميري وخيالي .. حبيبي اعله بالي

يـسلوة حياتي ..حبيبي حسين .. حبيبي حسين

✿✿✿✿✿✿

دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين

✿✿✿✿✿✿

ملكت إحساسي بإسمك يلهج الساني
وحبك شي صعب أتمنه خلاني
ابعشگك كون ادورلي گلب ثاني
اريد أزيد احبك و ارضي وجداني

صيامي وصلاتي .. سفينة نجاتي

يـ سر أمنياني ..حبيبي حسين .. حبيبي حسين

✿✿✿✿✿✿

دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين

✿✿✿✿✿✿

نحبك واليصير اعلينه خله ايصير
رضينه بالذبح يالوالي والتفجير
تحملنه عذاب وغربة التهجير
ونريد المعذرة لو عدنه كل تقصير

سماحك ولينه .. إذا ما وفينه

يضامي الفراتِ .. ..حبيبي حسين .. حبيبي حسين

✿✿✿✿✿✿

دمعتي ونحيبي .. اعلمودك حبيبي
يمالك حياتي .. حبيبي حسين .. حبيبي حسين


___________________________

كلمات الشاعر - حميد الناصري

___________________________


كتابة الكلمات .. Zahraa Al obaidi