المشاهدات: 260   المدة: 7:21   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة عِشـق ❤️♪
' هذا مُحـرم شـدو الحــزام
خــدام خـل أتـعيـن خــدام "

1
راية الخدمة الليلة شـدوها
وبمجلس العشاگ عـلوها
وترفرف إعله الروس خـلوها

والما يحب حسين .. مايدري بالحُب وين
اتغثه چفيني
مو بالگُمر ينقـاس .. كل السمه لعبـاس
بالحُـب ترس عيني

هايم . شفت الحُب حـله
خادم . صرت بكـربله
عيني . تحسب للحلم
زاير . وتگله هـله

' هذا مُحـرم شـدو الحــزام
خــدام خـل أتـعيـن خــدام "

2
عباس إذا يوگف عالمراية
يشبه حسين ابضحكته اهواية
سوولة حتى السمه أمصلاية

هوَ الله سوة الناس .. من ضحكة العباس
وعيونه وچفوفه
والنبل شگ الماي .. طـالع گبل مشاي
للكافل إيطوفه

موسى . هـوَ اوعصته
زاير . جـاي الگبته
دنگ . من شاف الذهب
يمه . ذب إعمامته

' هذا مُحـرم شـدو الحــزام
خــدام خـل أتـعيـن خــدام "

3
جابتني أمي وتعبت إعليه
ربتني زين وباوعت بيه
حطتني خادم بالحسينيه

ومن الزغر منذور .. ماساوم بعاشور
حتى بگطع راسي
خادم اظل ازغير .. لو كلها ضدي اتصير
يوگفلي عباسي

رايـح . فدوة آنه وهلي
فـدوة . لليـشبه علـي
هايـم . بيك امن الزغر
صايـر . عشگي الأولـي

' هذا مُحـرم شـدو الحــزام
خــدام خـل أتـعيـن خــدام "

4
من آدم الحد مايجي الغايب
چم قلم عنك بالشعر كاتب
ماگدر يوصل كسرة الحاجب

كون القصيدة إعليك .. قُـرآن ينزل بيك
ويوصف إعيونك
إنتَ الله من سواك .. يوسف إجه وصاحاك
عباس خيعونك

يوسف . بعيونك عطش
صافن . بيك ومارمش
حاير . ليلية بحلم
زاير . لعيونك غبش

' هذا مُحـرم شـدو الحــزام
خــدام خـل أتـعيـن خــدام "

5
يحسين گلبي اتلوع ابناره
سويلي فدوه لهلگلب چاره
اتراب ذبني ابدرب الزياره

انتَ اليحبك كون .. ماتبقى عنده اعيون
لومايحب غيرك
أنتَ احلى من الماي .. والهوى يمك جاي
يتنفس ابخيرك

خادم . وبـيـوم الحشر
واگف . ثابت مبّـتشـر
شايل . نيشان العشـگ
لاطم . حيل إعله الصـدر

' هذا مُحـرم شـدو الحــزام
خــدام خـل أتـعيـن خــدام "

للشاعر : السـيد محمـد الموسـوي