المشاهدات: 462   المدة: 14:19   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
رمضان وصفر .. تتشابه صور

تنعاد الجروح .. بقلب المنتظر


تنزف اسنين المحن من مواليد الهجر
بين رمضان وصفر انته قلبك منكسر
بشهر رمضان اليتامه اباب حيدر تستقر
وبصفر وسط الخرابة ايتام تغفه باليسر

كعدو بالدرب .. ما شافو ضرب

ماواحد يموت .. من خوف السهر

_______

هالشهر شهر الله نعلم تنزل اشكال النعم
انته رزقك يابوصالح تفطر دموع وألم
تنفتح بيبان في رمضان من اجل الكرم
وبصفر قصر آل امية انفتح بوجوه الحرم

ياعيد الفطر .. بين باليسر

استقبال الضعون .. بأعياد الضفر

_______

زينب وشحجي اعله زينب عاشت ابروحك جرح
اتشوف طبره ابشهر رمضان ودمه الغالي يسح
بس اكولن الله يستر من تباوع ع الرمح
ثنعش طبره وعين اخوها حين تعثر تنفتح

وبطول السبي .. عينه اعله العبي

لوطفله تطيح .. ينظر للكمر

_______



ينزل القرآن ادري من فضائل هالشهر
على صدر الهادي جدك ونغرف هذا الخبر
بس تعال وشوف بالطف يوم عشرين ابصفر
من بعد ضيم الصحاري الراس ينزل ع النحر

من ذاكه الوكت .. زينب تلتفت

تسأل بالتراب .. المهدي ماظهر

________
مرت عصور الزمان وهسه شوف المسأله
والفقر بالصوم يظهر عائله عن عائله
موسم المشايه باجر كلهه تتساوه المله
سفره من البصره تنمد توصل لحد كربله

بالحر والبرد .. سيد والعبد

من كل الشعوب .. تتساوه البشر

________

كلمات الشاعر الحسيني : حمزة السماوي

..