المشاهدات: 1201   المدة: 8:17   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة Zahraa ❤ Al obaidi
عباس ريحان العشك .. كلبي بغرامك محترك
يمحير الناس
مارايد اشتم الهوه .. عاشكلي زلمه بنينوه
اشتمه باحساس
كلما شفت طالع كمر .. اركض واصلي عله النهر
واكتب يعباس
عباس علمني الهله .. وخطوات زاير كربله
شايلها عالراس
يل كشختك .. عشيره
تمطر وفه .. يغيره
ــــــــــــــــــ ــــــــــــــــــ ــــــــــــــــ

عباس وجه الله الصبح .. سولف عله اجفوفه الملح
غيره ابدويه
عباس يطلع بالسمه .. بالنجم يكتب فاطمه
هاي الزݘيه
عباس بعيونك همت .. واعذرني كون اتسودنت
لامو بديه
عشك الهواشم قصتي .. خادم كتبت بگصتي
للفاطميه
دنك بعد .. يخادم
للرايه .. والهواشم
ـــــــــــــــــ ــــــــــــــــــ ـــــــــــــــــ

عباس حطني بخدمتك .. عاشك واشيلن رايتك
واتعبدك العين
عباس يملوحة علي .. ياتاج راسي وياهلي
ياظهر الحسين
حتى الشمس م̷ـــِْن سلمت .. اترخصت عباس ومشت
شيخ الميادين
سميته باسمك هالكلب .. يازود حيدر بالحرب
يملاگي سبعين
ياكمرة .. المدينه
يالطلعتك .. حنينه
ـــــــــــــــــ ــــــــــــــــــ ــــــــــــــــــ

حيهم يعم المنتظر .. ظلع امك الزهره انكسر
والمهدي ناداك
عباس خل نطلع سوه .. ونشيل كل واحد لوه
ياهيبة الواك
خل نبدي بيهه بكربله .. لعبد الله نذبح حرمله
ياعمي حياك
يعگال ياهيبه وكلف .. لو طلعوا السبعين الف
انه اطلع وياك
ياهيبة .. الخواݘي
خنرجع .. الخواݘي
ــــــــــــــــــ ــــــــــــــــــ ـــــــــــــــــ

عباس بيك اتحيرت .. بس انته كبل ادم صرت
يمخوف الاسباع
عباس دفعولك مره .. حيهم يسبع الكنطره
كوم اشلع الكاع
محسن تبده بلا مهد .. ياقل هو الله احد
يالجفك اشراع
حاجيهه الك باول سطر .. وجهك اذا لاحه المطر
خضر النعناع

ــــــــــــــــــ ــــــــــــــــــ ـــــــــــــــــ
سيد محمود الموسوي