المشاهدات: 1132   المدة: 6:03   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة عِشـق ❤️♪
ياحاضر الشدات زينبكم ابشده
بويه الشمس رديت رد الخدر رده
1
يايمه وينچ صحت، يريتچ اهنانه
من دون اخوتي اصبحت، يايمه مو آنه
عالتل وگفت ونحت، بدموعي غرگانه
حسينچ ييمه المّحت، عالغبّره جثّمانه
ليل، هذا لونهار ابعيني اشوفه
خيل، خيالتها ماليها الحقد ماظن تعوفه
وين، عباس اسمعت گطعوا چفوفه
بين، اشباه الزلم نار وسلب خوفتنا خوفه
حرمة ووحيده هنا كل اهلي مو يمي
وتوجهت لله احچي ويه روحي امي
اتمنى امي هنا ريت واگعدها
البنية بالشدات غير امها ماعدها
2
يايمه دمع الجفن، ضل يحفر ابخدي
محتاره المن احن، وانه اصبحت وحدي
ياجدي صحت ابحزن، الحگلي ياجدي
لا اخو ضل لا إبن، لا والي ضل عندي
ريت، حيدر والدي للطف اجاني
جيت، اصرخ لو اجه بويه الوكت ذبني ورماني
ليث، انت ياعلي وزينب تراني
غيث، انزل عالخدر نار اشتعل خدري وچواني
يحاضر الشدات زينبكم ابشده
بويه الشمس رديت رد الخدر رده
3
منين ابدي واشرح واعد، حاچيني يالبضعه
من العليل اليهد، حيل الجبل وضعه
مايدري المن يصد ،لومنهو اليسمعه
مايدري المن يصد، لو منهو اليسمعه
يعاين جيوش الحقد، فزعت فرد فزعه
شاف، بين النار مذهوله الحراير
خاف، لاوحده تگع لو تنمرد بين الحوافر
آه ، شنسه يمه من هاي المناظر
لا، مايبرى ابد يم الحسن جرح المشاعر
ام الخدر وسهيل مايوصل النجمي
ام الحزن ياحيف تاليها صار اسمي
4
صحت ابحزن ياعلي، حسين انذبح ضامي
عالشاطي ضل كافلي، من يحرس اخيامي
لا عزوتي ولا هلّي، يامصعب أيامي
غير الله محد إلي، ويخفف آلامي
سيف، فرگتهم ذبح روحي الشهيده
طيف، والدنا ردت وارض النجف ماظن بعيده
ماي ، حسبالي الگمر يسگينا بيده
هاي ، زينب بت علي شامت صرخ ضلت وحيده
ولأم البنين الصوت طلعته من چبدي
ثار الگمر وحسين ياخذهن المهدي

كلمات الشاعر : - احمد الطويل
...