المشاهدات: 2594   المدة: 25:14   الدقة: عالية
التصنيف: صوتيات دينية   الكلمات الدلالية: ياسين الرميثي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
زينب طبت اعله حسين
تمشي وتعثر ابهمها
تگله اتحارب العدوان
نيتك لو تسالمها

ياخويه حسين سولفلي
شنهي نيتك وياعداك
تسالمها وتمد إيدك
لو يعلگ حربها وياك
اشوفن جيشها جرار
والرايات ما تخفاك

تجري مثل مجره السيل
جـدامي الزلم والخيل
يبن امي حملها اثكيل

واشوف المشرعه يحسين
لزمت كل ملازمها
_______________________________

وانصارك وأهل بيتك
جليلـة عدد يامظلوم
چنهم بالمثل يحسين
نگطه ابحر ويه الگـوم
واخافن تزحف الرايات
واعليكم تگوم اتـحوم

شنهي ويالعده نيتك
تحاربهم بـأهل ييتك
تراني من الوجل جيتك

وخواتك خايفه والخوف
طيب النوم حارمها
_______________________________

لمن سمع حچي اخته
يـبت الفحل ناداها
اشلون اخضع وأمد أيدي
وروحي الضيم يعلاها
غير الحرب ماعندي
ووحي الله ابمنايها

نيتي يـبت حيدر هاي
اجـيم الحرب ويه أعداي
عمامي وأخوتي وياي

تجاهد دون دين الله
وتطلب ثار مسلمها
_______________________________

گـالتله ينور العين
وانصارك يخويه اشلون
هم اعرفت نيتهم
لو صار الزحف بالكون
خاف ابساعة الشده
يـامظلوم بيك اتخون

وانته اعلم ييو السجاد
مر الموت ماينراد
وأهـم عدهم حرم وأولاد

وأخافن من تشوف الموت
ماتقبل تيتمها

_______________________________

گال الها اخطبت بيهم
بس حطيت بظعوني
والهم رخصت يـختي
وماقبلوا يـعيفوني
لجلي عافوا الدنيه
ونيتهم يواسوني

وأنـصاري يانور العين
اهل دين ووفه وطيبين
دوني ودون هذا الدين

تـود اعداي الف مره
تحييها وتخذمها

_______________________________

هلال اباب خيمتهم
موچب للحچي يسمع
گصد خيمة حبيب إلـي
لاچن ناظره يدمع
سولفله ابحچي زينب
وگـله بله بعد ماتهجع

لاچن ياحبيب الحين
اخذ اصحابك الطيبين
وتعنه الخوات حسين

تچنه اباب خيمتهن
وسر زينب وشيمها
_______________________________

طلع من خيمته وناده
ياليوث الحرب يدروم
طلعت من منازلها
وشيال العلم جيدوم
يصيح آنه الفحل عودي
ذاخرني لمثل هاليوم

بيده امجرد البتار
ينادي ياحبيب اشصار
گـله يبن حامي الجار

گصدت ابصيحيتي اصحابي
وردوا انتم يهاشمها
_______________________________

أخذها لابو اليمه وگام
يحدي ابين المخيم
لمن وصل صيوانه
ابابه اوجب وسلم
طلع ليهم امن الخيمه
وأهو ابنياتهم يعلم

لمن شافوا المظلوم
يمهم موجب اومهضوم
گالوله المثل هاليوم

ذخر لآلك صورارمنه
وسلت كل صوارمها
_______________________________

تهمك هالزلم والخيل
وهاي سيوف خدامك
وهاي ارواحنه يحسين
تهوه الموت جدامك
خل تأمن يبوسكينه
ودايعكم البخيامك

ياهو اليوصل الحدها
وفرسان الحرب عدها
لجل زينب وحق جدها

وادي كربله انخلي
سيل ويكت من دمها
_______________________________

طلعت زينب ونادت
ومن عدها الدمع سچاب
ياها آنه تعرفوني
يفرسان الحرب ياطياب
آنه الطاهره امي
وابوي الفحل داحي الباب

ماني امعلمه اعله الذل
ولا آني للهضيمه أحمل
خواتي الي دمعها ايهل

تـراهن ذمة الباري
وذممكم ياضياغمها

_______________________________

الكتابة..Zahraa Al obaidi/زهراء العبيدي