المشاهدات: 1208   المدة: 16:29   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
الكلمات ;

سبايه والدرب موت
أصيح ويرجع الصوت
تعالي يا رقيه
++++++++++++++++++++
رقيه آنه العزيزه أظل منتظره ملكاه
مثل سـوط الشماتـه يعـذب بيـه فركاه
حنين اويدري بيه عمر ما أكدر أنساه
أظل عطشانه منا لحد ما ألتقي اوياه
سلام الله اعلى گلبه
يحب روحي اواحبه
ماينسه السبيه
تعالي يا رقيه
++++++++++++++++++
صلاة الملكه صليت على النوك الهزيله
دعيـت الله ابغربـتـي يخليلي العقيله
أساعدها ابدموعي على الرحله الطويله
أنا ابلياهه روحــي مثل روح العليله
ظلت بين الجروح
وآنه إحساسي مذبوح
جسم فوك الوطيه
تعالي يا رقيه
+++++++++++++++++++
سمعت آنه امن الارماح تسولفلي المناحر
سوالفهم دِمه اتسيل اويلي امن الحوافر
شفت تركو عالدروب كلام امن المشاعر
يسلمون اعلى كلمن يقيم إلهم شعائر
حبايبكم ينصبون
مواكب تملي العيون
تصيح الغاضريه
تعالي يا رقيه
++++++++++++++++++++
بعد وجهك بالإحساس شفت وجه الشماته
يسألونــي او أكلهم فــلا يـتـرك بناتـه
فرض جَيّته إليه مثل فرضــه ابصلاته
يجيني إبلايه طولــه او اشوفنه اشحلاته
أشبكه شبكت إحساس
لحد ما خلص الأنفاس
يرد باجر إليه
تعالي يا رقيه
+++++++++++++++++
دَمعتي إبطولي صارت بعدكم يالحبايب 
بعـد بيت الكرامات أباتــن بالخرايب
أنا إبنيت الهواشم أريد أشكي اوأعاتب
بعد يوم المصيبه دمـع عيني يجاوب
رقيه كَسّري الظلوع
راسه ابرمحه مرفوع
يقدمونه هديه
تعالي يا رقيه
+++++++++++++++++++
حلاتي امن افتح العين وأشوفه ابهل المسيه
أصيح بصوت الجروح تعالي يالزجيه
تعالي ياأم الحسين عزيزج بين اديه
أريد آنه اعلى نحره تجي الروحي المنيه
أبوسه بنحره ياريت
واموت اوياه تمنيت
سمعت بهل المسيه
تعالي يا رقيه

******************

للشاعر : سليم الغزالي