المشاهدات: 22099   المدة: 6:48   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
قصيدة [ سواد الطف ]

أداء: الحاج باسم الكربلائي
كلمات: الشاعر إيهاب المالكي
لحن و توزيع : حسام يسري
الهندسة الصوتية : محمد الخنيزي


الكلمات
__________________________
اكشف سواد الطف ضوه .. واجرح ضلامه
واسرج جوادك للحرب .. واحكم لجامه
وجه المنايه انطي امر .. يفتح لثامه
و بحرگه سل من الغمد .. يوم القيامه
__________________________

يم الفرات
ثبت علم موطئ قدم .. واطلق سراحه

وامطر حياة
واحضر مدد يم كل جسد .. ثِگلت جراحه

يافارس اعلن موقفه
عطر تراب الطف وفه
هِبْ ابعدوك عاصفه
ذوقه العواقب

لم الجموع المذنبه
ورمحك يحاسب
انته ابقواميس الثأر
اخطر محارب
ارفع يمينك للسمه
ولوح الكواكب

ابرز مثل وجه البدر
لحظة تمامه
__________________________
اكشف سواد الطف ضوه .. واجرح ضلامه
واسرج جوادك للحرب .. واحكم لجامه
وجه المنايه انطي امر .. يفتح لثامه
و بحرگه سل من الغمد .. يوم القيامه
__________________________

كل لحظة بيك
يحلم طفل يابوالفضل ..ماتنسه حاشه

ظلت عليك
عين الخيم من انهدم .. حيل العطاشه

يالمعتني الماي ابقصد
السجدة عطشت والحمد
چم نظره تنتظرك ترد
تحيي الاماني

انته ابخلق وگت الوفه
جنت الثواني
گلك خلص دوري القدر
وانته ابمكاني
سيفك محامي الزلزله
وسبع المثاني

بالطف كتاب الله امر
تحرس كلامه
__________________________
اكشف سواد الطف ضوه .. واجرح ضلامه
واسرج جوادك للحرب .. واحكم لجامه
وجه المنايه انطي امر .. يفتح لثامه
و بحرگه سل من الغمد .. يوم القيامه
__________________________

يبقه الحسين
يشتاگ الك يتأملك .. دمعه ابصلاته

الله اليعين
جفنه الخله صوتك مله .. كل ذكرياته

كلما صلت صَولة جَسر
زينب على بالك تُمر
رادت وعد غصن النصر
مايبقى ذابل

الـ بالحرب يتخيلك
لمن تنازل
يفهم بإن الله امر
يبعث مقاتل
كل ضربة يهتفلك علي
اي يابوفاضل

انته الغيور اليحلف
الموت ابحسامه
__________________________
اكشف سواد الطف ضوه .. واجرح ضلامه
واسرج جوادك للحرب .. واحكم لجامه
وجه المنايه انطي امر .. يفتح لثامه
و بحرگه سل من الغمد .. يوم القيامه
__________________________

بين السيوف
خط ملحمه من الدمه .. بهيبة نـزالك

وصي الچفـوف
توگع حذر خاف الخبر .. يوصل عيالك

مر النهر وانته العذب
يثني السهم جفنك صلب
جمرة الظمه وگلبك عشب
يحرگ لظاهه

جرد قوانين الحذر
من محتواهه
كل ريه تشهگ خطوتك
يخلص هواهه
رهبة نظرتك تذبح الـ
يدخل مداهه

نيزك يمينك لو نزل
يترك علامه
__________________________
اكشف سواد الطف ضوه .. واجرح ضلامه
واسرج جوادك للحرب .. واحكم لجامه
وجه المنايه انطي امر .. يفتح لثامه
و بحرگه سل من الغمد .. يوم القيامه
_____________________

كلمات الشاعر - ايهاب المالكي

اداء الملا - باسم الكربلائي
_____________________

تدوين الكلمات - Zahraa Al obaidi