المشاهدات: 2176   المدة: 3:58   الدقة: عالية
التصنيف: أشعار وقصائد   الكلمات الدلالية: وعد الامير
تعليق بواسطة وعد الأمير
تنيتك والــدرب خظـر مسافة شوف
عشـره اويا الدرب بمناطرك سويت

كــد افـراك شــوفك اني الك مشتاك
شــوغـة ملكه فوك آرموشي خطيت

الهوى من يمر يذري اهــواية نـاس
عمر انا اعلى دربك غـــافي ضليـت

حيرة بداخلي حيــرة طفــل مشلــول
يعاين عــل مشو وبراسة كلـمة ريت

ريت امتاع اصير وقطعة من اغطاك
وتمدني اعلى جسمــك كلما تغطــيت

يالتمـاشيني بخيــالك مـــرني اخــاف
بيــدي ريحــة ملكه وموادع لكيــت

طـــول مناطــرك هـدل آجفون العين
شـايب مو شبـــاب بروحــي حسـيت

لوعـــة مجفي فــــوك الكاع ما شــال
جدمه ومستحــي يوكــف لـؤن طبيت

عــاشــرت الكمر كلت ابني سجة ريل
ومن طــــر الفجر ضاع البــديه ابنيت

وصـح عالي النجم بس يكرب بنظرات
بــس خـلي ابتعــد كــلما الــــه اتعنيت

آخيط يا فتـك وجــهي و درب مجروح
على حالي انكـــــسر يل بية ما حسيت

المفارك ولـف للصاحب يبوح اســـرار
كلمة جنت احبها لامي هم مـــا احجيت

مو كطــرة دمــــع وتهل على الخــدين
غـرك بية الدرب لمـــن عليـــك ابجيت

وحـالي بغيبتك ما ينوصـــف بس جان
حال الراح ابنهــا وما راجــــع للبيت

بين الملكة والفركه شتضن ضحكات
اثر عطـاب تلكــه بصدري اذا شميت

أحس ميـل الدقايق اســــرع من الريح
صبر ساعات مرن وانتـــه ما مريت

يلجمني اليمرني ومغــطي عيـــني بليــل
مر بيـــة الكمــر يســألني مـا رديـت

حرام تكول جيت جيت استغفـر الله بهاي
نعم جيت اعتقـــد لمن شفتني امشيت