المشاهدات: 57   المدة: 1:27   الدقة: عالية
التصنيف: أشعار وقصائد
تعليق بواسطة قُزوؤومہٰهٰهٰہٰٖ~❥
سمير صبيح : شما اكتب فرح
Sameer Sabih : (Shma Akteb Farah)

كلمات: الشاعر سمير صبيح
social media management : مرتضى الحمامي

الكلمات:
شما اكتب فرح كلمة عله ورقه يضيع
واكتب ياحسين ويصرخ المطلع
وتاخذني الضنون شراع للاحزان
ويهزني العطش والجود والمصرع
ذبحوك وبقيت شعاع للاحرار
ودفنوك بضلام وجثتك تسطع
من يطلع ﮔمر چن رايتك بالكون
ومن تطلع شمس چن ﮔبتك تطلع
اختارتك طريق رﮔاب اليحبوك
راوهه الذبح بس مارضت تخضع
وحته تعوف حبك حاربتهه سيوف
وهي بغير حبك لاتضن تقنع
هواي ذنوب بيه من الزم الشباچ
احسه يصير منجل بالذنب يگطع
ابوس بعتبتك بس بطمع ناعور
ارد اشرب وابوس ولاتضن اشبع
ماغرنه السراب وانت مايك ماي
نعرف مصدرك والطين والمنبع
لان بأطهر حجر خصك اله الكون
وعله الكوثر ابوك وجدك اليشفع
وطبرت هامتك وچفوف ابو الامجاد
ناقوس الرفض بأذن الظلم يقرع
الموت يمر غفل وانت رحت للموت
اذبهن عالعقل ويميز الاشجع
انه عندي طلب ياابن داحي الباب
العراق بشاربك ياطيب المرضع