المشاهدات: 255   المدة: 4:48   الدقة: عالية
التصنيف: أشعار وقصائد   الكلمات الدلالية: حمزة الحلفي
تعليق بواسطة qas!m
شمتانين
........
كصت بينا السيوف وذبح ترس العين
شمتانين

فضوها المنايا تحوك بالساعات
وحلوك الشوارع تاكل الميتين
شوارعنا حمر صابغها لون الدم
وسرة علة الموت شوف شلون مصطفين
بغداد العروس تحولت تابوت
ورجالات الحكومة جنهم معرسين
مو فاض الصبر وانتو ولا ع البال
وعلى حب الكراسي صرتوا نجارين
غيوم الحرب تمطر جمر ع الناس
وانتم روس تمشي بناس متغطين
حوارات الموائد والسمج مسكوف
وبصحون المصايب احنا متغدين
تموت اطفال عدنا برهبة البارود
وانتو اطفالكم بالغرب محروسين
بعد بسكم حملنا من الصبر اطنان
وتسجيل الصبر ما ينكتب مرتين
لاحت والحلوك تطشرت بالريح
وضاعت من دربهم باثر زين وشين
تكولون اتفقنا وهي حسبة يوم
جا وين التوافق كلكم متنكين
صلوها على قبلة الشعب فاضت بيه
بعدها تلوج بينا الواحد وتسعين
طز بكل سياسة التعبد الدولار
العراق يموت ؟!!
اكعد هز ضميرك زين