المشاهدات: 2376   المدة: 14:43   الدقة: عالية
التصنيف: صوتيات دينية   الكلمات الدلالية: مرتضى حرب، Hussein Hameed
تعليق بواسطة Hussein Hameed
غريب .. غريب .. غريب .. غريب

فوگ الداي عماتي بزجر يمشن
اگبالي ومن زلم ماتسوه ينشتمن
احا يوم الشفتهن بالعبي ايعدلن
من دار السبي الوان العبي تـغيرن

غريب .. غريب .. غريب .. غريب

اشكثر راواني درب الشام چم منظر
من اسولف موش جدمي الساني يتعثر
شفت موقف صعب خـلاني اتـحير
شفت عمتي تـريد اتگـوم ماتگدر

غريب .. غريب .. غريب .. غريب

تصد عالجامعه والجـيد وجروحه
ونحبت چي تشـوف ارگبتي مذبوحه
بچتي عمتي ودليلي زودت نوحه
عمه اتگلي كون اچفوفي مفتـوحه

غريب .. غريب .. غريب .. غريب

عوفيني يـعمه ايتامي شوفيهم
خاف امن المـشي تعـبانه رجليهم
اعله اهلهم خافن اينشدون صبريهم
تره مابيـه حيل أسـمع بواچيهم

غريب .. غريب .. غريب .. غريب

شاف اشـگد عـذاب إمـامك السـجاد
چم طفلة وطفل شافه ابحبل ينگـاد
لچـن موقف صـعب يم زمـُرة الأوغاد
من جـابوا طشت حسبالها إخته الـزاد

غريب .. غريب .. غريب .. غريب

يصد لإخـته ودمعتـه امن الهضم طاحت
وكسرت گلبه آيـابـويه من صـاحت
شبگت راس ابـوها وإخته ماحـاست
ندهه وماحچت ثاري الإخـت ماتـت

غريب .. غريب .. غريب .. غريب