المشاهدات: 5380   المدة: 14:29   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
هاشم صاحت خلوها النه
الطايح مو دم واحد دمنه

الهواشم هله . بيـرغهم عله

هاشم صاحت خلوها النه ...
______________________________

اغتاظ العباس گللهم طالت سكتتنه
إحنه اللي انطيح بالملعب لن طايح دمنه
مسلم لوماناخذ ثاره بنيته تعاتبنه
من نسكت بيمن يتنخن باچر خدرنه

وازاه العباس الغيظ وگال انرد حگ الخوه
وظل من إيطگ بيه الريح ايصير أحمر لن يتچوه

كل هاشم چانت ملتمه
حيهم صاح ورگضوا يمه

گللهم عفه . ننطيها گفه . وگللوله أبشر ياهيبتنه

هاشم صاحت خلوها النه ...
______________________________

ولن من اخيـام خـدرهم صوت العز ناده
زينبهم حيتهـم وأشرت على عم الساده
اتگله اخوانك واحد زايد عالثاني اعناده
گلها أدري بهاشم ماخلفت بس روس وقاده

راح أترخص گلهم هلبت يرضه حسين أنطب ليها
چتالة مسلم تتندم بالميدان انخليها

أولاد العم إيسمعونه
بس إيجر سيـفه إيـريدونه

سيوف اطلعن . ولسنهم حچن . بس اترخص من قائدنه

هاشم صاحت خلوها النه ...
______________________________

راح العباس يترخص من أعظم قائد
والساده ايتانون ابــلهفه وواحد گل واحد
وين الله ويرضه انطب ليها الـنعتبره الوالد
ولن گله حسين تدلل ماگله اشرايد

من شاف حسين العباس مغتاظ وتجدح عينه
شيخ الدنيه اغتاظ واوياه وگله انطب ليها امشينه

طلعوا وادخيلك من طلعوا
وبخيمة زينبهم مروا

حلفوا بالخـدر . نخلي السمـر . تطبع بخـدود اليكـرهنه

هاشم صاحت خلوها النه ...
______________________________

الساده ايتـانون يمته ايرد عمهم بأخباره
ولن جاب اوياه مو رخصة جاب احله ابشاره
جاب حسين ابكبره اوجاهم شايل بتاره
شافوا وعليه كلهم رگضوا گومه وأنصاره

حياهم شال حسين هله بأهل العز گللهم
بولد العم من شاف الغيظ انصاره اترخص منهم

اترخص من اصحاب الموقف
وبيرغ هاشم ظل ايرفرف

گللهم تره . بسم حيدره . راح انصول اول صولتنه

هاشم صاحت خلوها النه ...
______________________________

من شاف حسين للفزعه التم وينه ووينه
حي غيرة هـاشم گللهم وابتسمت عينه
هاي الفزعه بإسم القالع خيبر بيمينه
إحنه إنهد گلهم يازلمه الـ إيهد اعلينه

كبر شد اعله الميمون گلهم سلوا الينهابن
انه اديركم بالميدان اسيوف الكم مايتلاگن

هدو والغيظ اموازيهــم
ابدم مسلم يادم يرضيهــم

اولاد الفحل . جبل يم جبل . والعباس امچنف ردنه

هاشم صاحت خلوها النه ...
______________________________

ايظل بالميدان من طبـوا يازلمه اليگدر !
من چف عباس كل اصبع ينعد ابـعسكر
تنعد ابجيش وگفتهم جاسم والأكبر
اكبار ويمهم كل فارس لو وگفــوا يزغر

وصاحت زينب بويه اليوم ولدك حيدر طبوها
وازلام الحومه التنهاب اتصيح ادخيلك خلوها

حسين ابكبره ابنص الحومه
نشف دمعات المهضومه

حميده رضت . بأهلها درت . دم مسلم ماسكتو عنه

هاشم صاحت خلوها النه ...

______________________________

كلمـات واداء " مرتضى حرب