المشاهدات: 129   المدة: 8:16   الدقة: عالية
التصنيف: صوتيات دينية
تعليق بواسطة tahseen alswad
قصيدة : صد للنجف مكتوبة


صد للنجف .. مو غايتك تِطلب طَـلب ؟
( نادِ علياً ) .. ينظر ابعينه العجب !

هالـمـرَّة گله يا علي .. هم الگلب ما ينجلي

كهف الورى .. فوگ الثرى
جسمه انسِـلب

-----------------(١)-------------------

توجَّه للغري ابگلبك .. ذليل و مدمعك بادي
و على صهوة جواد الهم .. بسم حامي الحمه نادي
من السجدة ارفع اجبينك .. دخيلك يا وصي الهادي
أنا ابهالمرة ماردتك .. تحقق غاية امرادي
اريدن سيدي ابعينك .. تشوف حسينك اشغادي
وحيد و چم ، ابن ملجم .. عليه ابسيفه متمادي


-----------------(٢)-------------------

رزايا العاشر اعرضها .. ابخضوع لسيد الطاعة
يضرغام الحرب شبلك .. عليه التمت اضباعه
حوافر خيلهم ظلت .. مطر يحفر صدر گاعه
تعنّه لكربله گبلن .. حبيبك يخلص انزاعه
عسنَّك يا علي تلحگ .. على الباگي من اضلاعه
ابسفرها العيلة ما أدري .. اشتودع ساعة وداعه

-----------------(٣)-------------------

عن احبابك دفعت اشگد .. نوايب ياعلي جمَّة
و على التربان إلك غالي .. أبد ما ينجلي غمّه
اشيصبرك يل ذكر اسمك .. حصن و امن الحزن عصمة
و تعاين رحمة الباري .. الحُسين و يطلب الرحمة
يگلهم ماي شربوني .. و لا من چف إله اتقدمه
كهف عطشان و جروحه .. الرّقيم النّامت ابجسمه

-----------------(٤)-------------------

توسل غيرته و گله .. عرفتك قالع الصخرة
و صياخيد الدهر بيدك .. عجائب منها متفجرة
يكرار اسألك تگدر .. تعيد ابكربله الكـرَّة ؟!
و على ابنك تنحني و تقلع .. سهامه الجاثية ابصدره
أُجاج العبرة مو بالخد .. أظن مجراه بالطبرة
اذا شفته ابلهيب الحر .. سليب و غسله دم نحره