المشاهدات: 176   المدة: 17:42   الدقة: عالية
التصنيف: صوتيات دينية   الكلمات الدلالية: ماهر الشبلي
تعليق بواسطة أحمد العثمانيے
صلاحيته انتهت | الرادود ماهر الشبلي
كلمات : الأديب صباح أمين
تصوير :
ولدان الشيخ فاضل
حسين محمد الخويلدي
عبد الله كاظم مجيد
محمد كاظم مجيد
مخطوطة : السيد حسن الموسوي
الإشراف العام : السيد صباح الحبوبي
الإشراف الفني : السيد رزاق الحبوبي
هندسة الصوتيا : أبو شهد الدروغي
العراق | النجف الأشرف
السادة ال الحبوبي
=================
الكلمات :

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

گالوا الينولد يزحف هذا ميسموه طائر
گالوا بمستنقع الذل من سبح ميصير طاهر
گالوا الثعلب ميكبر لو لبسله جلد كاسر
الوجوه خل يتلونن ... كشاف للناس الزمن
وانكشفت بيوم الحسن ... يوم تمحيص الضماير
متدري الوادم المفضوح سرها، الخاينة من القتل أصعب أثرها
بجهلهم من يخونون، على هاي شيكولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

إنتَ يا شيطان رائع تعرف الوادم وزنهم
ورطتهم وفضحتهم إنت وتبريت منهم
وانكشف للناس كلها شگد قذر زيبگ لِسنهم
الدجال لا يطلع بعد ... هذا الف دجال انوجد
وشيطفي نيران الشِدد ... وكل تجارتهُم فِتنهم
إذا إبراهيم إله نمرود واحد، الف نمرود بعده صار قائد
يشعلون ويطفون، على هاي شيگولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

أبو يزيد إنتصر بيمن فاز بالناس الأسافل
البعض من يستلم سلطة تصير أصابيعه مناجل
مثل طبع العنكبوت البيته ولأولاده ياكل
صح إبن أُمية مو شهم ... داهية إيسموه يفتهم
وبتده بالدين الهدم ... شاف همه أحسن معاول
ابو يزيد أستغل من صار إله ذيل، يصلي بالنهار يبوگ باليل
يصلون ويبوگون، على هاي شيگولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

هاي اصحاب المنافع قاعدة بالدنيا الها
كل مهر ممنوع يصهل حتى لا يزعج رغدها
ذيل إبن آدم تريده وما يصير الحرّ عبدها
صير أخرس واحجي الصدگ ... إتكلم بليه حلگ
لتشم هوى ولا تختنگ ... هجي عقليه بعدها
أذا موسى كليم الله أجاها، أظن أيرده توراته الألها
يواجه الف فرعون، على هاي شيگولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

ضايع اليوم العراق ولحد يجامل الواقع
والدليل أعمى البصيره شلون هذا أيدلي ضايع
والبعض نازع الفشلة وبعد ما نعلم شنازع
للحج مشى محصل سهم ... ولبيك هم صاح وقسم
ويوم الرجم هذا رجم ... وهو سارق قوت جايع
وگف شيطان مكتهم أستنكر، بعراقك خل يصير الرجم الأكبر
يبوگون ويحجون، على هاي شيگولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

ياهو يتحمل مصير الناس هاي المن نلومه
والصراع أنتج خراب أبين بومة ويه بومة
مو على حب العراق المعركة لأجل الدسومة
"عدنه قوى متصارعة ... وعدنه البطون الجائعة
من شالت جفوف الدعه ... عدس إنطتها الحكومة"
گبل أرض السواد وكله نعمة، حرام أرض الفساد يصير أسمه
يعلسون ويعدسون، على هاي شيگولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون

من تصيح الشعب هذا لموا يا ساسة جراحه
إبن جيران السماء أتزعجه جلمات الصراحة
كأن مو للوطن ندعي كأن ندعي للإباحة
إلهم صفه دين ووطن ... وهم مثل أبو يزيد الزمن
ينعزل عن حكمه الحسن ... وخلت للتافه الساحة
إذا خان الزمن وأهله لتعجب، وين أشهر بغي بمكة تنصب
و لأبن فاطمة يعزلون، على هاي شيگولون

صلح يوم الحسن هذا كشفهم
صلاحيته إنتهت گالوا شرفهم
يخونون ويغدرون، على هاي شيگولون