المشاهدات: 4333   المدة: 11:53   الدقة: عالية
التصنيف: صوتيات دينية   الكلمات الدلالية: باسم الكربلائي، رفعت الصافي، Zahraa Al obaidi
تعليق بواسطة ♪ Ašk ♪
" صـلن صـلاة الليـل
بيـن الخيـم والخيـل "
أدن فرضهـن .. ومـاتن بعضهـن
باللـيل... باللـيل

١

عشرين امرأة ماسلمت رئة من الدُخان
گعدن عـالثرة وسون دائـرة اعله الوليان
صوت أم الشرف ذاكه الـبـطرف ابني چان
ومن طار النبل وجه ام الطفل ينطي الوان

اشگد ناغتله .. اشگد سهرتله .. اشگد لولتله
عالمهد

شمسوي ويذبحوك !
يالماشفت كاروك

حسرة ابگلبهن .. ماتن بعضهن
بالليل ... بالليل

٢

شايف صـدمتك من تخسر بشر روحك بيه
تگعد وحدك وتتخيله عدل وتحاچيه
رمـلة ابكربلا جاسم بس جسد وتحنيه
وبثياب العرس تمسحله الدمه وتغطيه

ياا دمعتها .. وياا شمعتها .. وياا حسرتها
عالعرس

رد كله دم وعظام
محبس عِرس جسام

مـنظر فـجعهن .. ماتن بعضهن
بالليل ... بالليل

٣

طفلة اويه الحرم تقره الفاتحة للتسهيل
كاتلها القلق وگفت بالوسط بس اتميل
بابا مارجع ! مو گلبي انشلع دمعي ايسيل
واعدني اورحل ياموت الاهل حملي اثگيل

آني الگتلك .. محتاجتلك .. مشتاقتلك
والـدي

جـيبولي بابا اتصيح
الكل يم رقية إيطيح

مايرجعلهن .. ماتن بعضهن
بالليل ... بالليل

٤

گلب الام ترف بالحب يختلف مابي باب
ايسد اذنه الصخر من تنعى الصبح عالغياب
ليلى الثقفي من شافت علي الاكبر ذاب
صاحت يولدي مو گلبك ترا گلبي انصاب

اتـگوم اوتعثر .. أُم الاكبر
ليش اموذر ! .. ياعلي

شيصبر ام الشاب
لو غطى وجهه اتراب

ليلى تهمهن .. ماتن بعضهن
بالليل ... بالليل

٥

من قلب الحدث مصباح اهدعش من عاشور
كوكب عالرمح يبحث عن مره وراسه ايدور
كلما تنضرب زينب بت علي نحره ايفور
ايعاين لاخوته وتنزل دمعته اشگد مكسور

اتون وتعاني .. وبن اخواني .. ونصفي الثاني
كافلي

كلما طفل ينداس
يهتز رمح عباس

اوحسرة اعله عمهن .. ماتن بعضهن
بالليل ... بالليل

٦

حداي الضعن صاح اتجمعن لا اغتاض
ونطاهن امر ايحسگن عالجمر بس اركاض
وتراب الارض من كثر الركض بالدم فاض
وصعدن عالهزل بدفوف وطبل واستعراض

ياا غربتهن .. ياا وحشتهن .. ياا صفنتهن
عالهزل

والتعترض تنگاد
من الناگة للجلاد

كظمن عضبهن .. وماتن بعضهن
بالليل ... بالليل

كـلمات الشـاعر :السـيد رفـعت الصــافي

كـتـابة الـقصيدة حـصرية لـموقع ( دُرر العراق )
Zahraa Alobaidi
1444. 2022