المشاهدات: 608   المدة: 18:57   الدقة: عالية
التصنيف: صوتيات دينية   الكلمات الدلالية: علي الساعدي، Zahraa Al obaidi
تعليق بواسطة ღ عِشق ღ
صورة علي مُصحف .. مايُوصَف .. والعالم رواية
كون اليرسمونه .. يقرونه .. لازم آية آية

الأول علي .. الآخر علي .. ويا مِشينه
خل تصبح الدِنيا بَحر .. عِدنه السَفينه

١
جنت بالذر و إلي .. حكاية وي عَلي
يگلبي من أسولف أطيب جروحك
أخذ مني عَهد .. خذّت مِنه مَدد
أبتسملي وگلتله بَعد روحي روحك

عَلي عَلي..

إذا گبري يَمه فزت .. قبل موتي عليه متت .. على حيلي بـعَلي گُمت
علي القوة والحيل

عَلي عَلي ..

عِلم طه بيه انوجد .. نسب طاهر أباً وجد .. شفت نجمه لعَيني وتد
گُمت اعشگ الليل

ميزت اليوادِّد .. والجاحد .. ابميزان المَحنه
الصورةّ عَلي ابيته .. حَبيته .. بس هذا من أهلنه

وگِلّ للهَوهَ الما بي عَلي .. لَيمر عَلينه
خل تصبح الدِنيا بَحر .. عِدنه السَفينه

___________________________


٢

خِطية يا هَلي .. الـيعيش ابلا عَلي
يرىٰ اسنينه ضنكه ودروبه خطيرة
صحيح الدنيا إلة .. لَچن بي مُشكِلة
اشنفـع بِشته وعگاله البــلا عَشيرة

عَلي عَلي..

أصل روحي ومنهو إلي .. منو إمامك صِحت الولي .. أبو الحَملة عَلي عَلي
ماعندي غَيَرهَ

عَلي عَلي..

صِلة روح الماله هَوهَ .. آنا ودمعي شِفنا دِوه .. مُطر غَيمه طِحنه سوه
نترجه خيره

ذَبّت عرب ذَبّتي .. طايفتي .. حيدر واليطيعه
امن أَدخلّ سَلف عالم .. وامسالم .. أعرف ذوله شيعه

من ادخل ابيوت الگصب .. ومنْ المَدينه
خل تصبح الدِنيا بَحر .. عِدنه السَفينه

___________________________


٣
اذا وضعي اختلف .. يجي ابالي النجف
اروح لحبيبي وأميري ازوره
هلي فطره وبخت .. بحيث أُمي أنتخت
نذر لو علي انطاك أكبرله صوره

عَلي عَلي..

هلي فقره بس كِلها حُب . على الفطرة .. مو على الكتب
تحب حَد شلعان الگلب
يا سلطان انته

عَلي عَلي..

يشوفنك سِمه ومُطر .. مع الماي ومع الشَجر .. مشو لجلك ويه الخطر
شمس بگفه غروب

راحوا واجيت آنهَ .. مولانهَ .. أوفيلك عهودي
يابو الحسن دِينـي .. وسنينـي .. وجـروحي وصمـودي

صاحوا وآنا وياهم صِحت .. ورفعنه ادينه
خل تصبح الدِنيا بَحر .. عِدنه السَفينه

___________________________


٤
وعَلي لو ماعَلي .. نضيع انا وهَلي
بدايتنه حُبـه .. وذخر إلنـه سوره
سلامه (هل أتىٰ) حروبه (لا فتىٰ)
عَلي حط نِقاط وجمْع سوره سوره

عَلي عَلي..

كتاب الله بي يتضح .. عَلي رسمه وعَلي الشرح .. دفو الليل وضي الصبح
طاري الولي صار

عَلي عَلي..

يمر غفوة ع البيـه ألم .. على الصحره ذكراه خيم .. عَلي كلشي بيه انختم
وبآله الاطهار

للخدمه متحزم .. بل اجزم .. هاي الخدمه أهم شي
أنطوني بس رايه .. ومشايه .. وخذّوا مِني كِلشي

خلوني أظلن وي عَلي .. تـرعاني عَينه
خل تصبح الدِنيا بَحر .. عِدنه السَفينه

___________________________


٥
الدوه ازيارة عَلي .. العُمر بس بيد عَلي
هوه أجمل رسالة من اللّه لِعباده
سكوته من ذهب .. كلامه بيّ عَجب
عَلي شمحله إسمه لليذكره عِباده

عَلي عَلي..

أذان الحُب يبقى عَلي .. دَرّب فِطرتنه الأولي .. عَلي وماكو أغلىٰ من عَلي
من أسم اللٰه ماخوذ

علي علي..

مضيف إلنه وأشرف سِـتر .. فرض واجب مابي عذر .. غدًا لو حلّ يوم الحَشر
بس بـعَلي انلوذ

باچر عَلي عندي .. والمَهدي .. ودموعي علىٰ ٕحـسيـن
كون ألگه إِمامه .. گِدامه .. مَلگه ايكحل العَين

لا خوفاً عليـه لا حِزن .. خادم عَلينه
خل تصبح الدِنيا بَحر .. عِدنه السَفينه

___________________________

لِـ الشـاعِر : ياسيـن حَميـد الصـالحي
كِـتابة: .zhra.alobaidi








..