المشاهدات: 8407   المدة: 6:44   الدقة: عالية
التصنيف: أشعار وقصائد   الكلمات الدلالية: علي المياحي النجفي، علي المياحي
تعليق بواسطة اميرالفتلاوي
ضحكت وشافوها طلاب القسم
وانا اباوع والعشگ شابع شتم
ضحكت وكالت تعال
انته اعز كل الرجال
انته مو طالب غريب
انه اكثر من حبيب
بس تصير القسمه اصير ام الجهال

شاورته وبيه حب يكتل كتل
انتي احلة ابنيه وانه اجمل رجل

نذر انذر يم علي
والله لو زفوج الي
بس ابو الحسنين ...اسمي اول طفل

خابرتني اتكول
ابويه انطاني الشخص ثاني
واستلم نيشاني
بيدي حطو حلقتي
حبل صار
شلون يشتم عطري واحد ثاني

انخطبت الجانت تريد اتشوفني
ليش خطبوه وتريد اتعوفني


اهواي بيني وبينه
حضرة جنت ابعينه
تجي يوميه بعشگه اطوفني

كالت
بعشگي انا وياك ماقبلو هلي
الشيخ كاعد منتظر كلمه بلي

گبالي انته اتخليت
كمت ابجي وافقت
و ردت اكلهم نعم
كتلهم علي


اجه يركض شاف زفته وسمع هلهوله
والشماته اتنادسو كلوله
الجانت تحبه امس
هسه بثياب العرس
تضحك بزفته ما معقوله


فتح باب العريس وكال
ليش يا ادم خذت تفاحتي
وانه ما ماخذ عشگ مو مالتي

اول مرة ادعي
كون ماتوصل هلك
وحواء ماتصبح الك
والشمس تستيقظ بجربايتي


حاجته والدمعه بين عيونه
علي .. انه مو اول مرة يغصبونه
روح يا ابن الحلال
راحت ايام الدلال
الورده غيرك راح يشمونه

ف كاله

روحي الله وياج بس منفوسه
رايحه وروحج عشگ متروسه

حتى لو غيري خذج
وحتى لو ماصرت الج
راح تذكريني باول بوسه


راحت وحسراته بوسط الگلب
الزفه مو مالت عرف مالت غرب
بيد واحد مو عرف
صعبه يرتاح الزلف
الورده والله تموت من تنشم غصب

والمهم .. وصلت البيت عياله
مو رجله وياها جن جتاله
الطيرة راحت تنحبس
باله مو بل عرس
يم حبيب الروح صاير باله

المهم نامت الوادم و نوم العافيه
الف هنايل العيون الغافيه

العنده حب يكتل كتل
ليش يتحول طفل
ماينام الى بسؤالف دافيه


راحت ايام راحت اشهر راحت اسنين
وعبرت المسالة
وحده تشبه شفته بكربله
يجوز هيه يجوز لا
يجوز هي بكربله
بلكي مو هيه
شفته ابمهذله

شلون اعرفه ؟؟؟
شويه صاحتله علي ..
و عبالي الي
طلع عدهم ولد و مسمي علي

الما يحصل عل النصيب
يسمي ابنه على الحبيب
باوعتلي و كلشي فز ابداخلي


(اذا قبلتي ف قولي وكلتك نفسي)
شيخنه باطل زواجي من الغريب
انه مغصوبه على واحد مو حلال
ال تخلف من شخص غير الحبيب
لا تحبه ولا تحب طاري الجهال

انه احب انسان تارس روحي شوگ
روحي تركضله قبل كلمه تعال


نصيحه من الشاعر :
اليخطب ابنيه خل يكوله :
بنت الحلال
كولي هم عندج عشك وسط الگلب
خاف اهلج غاصبينج ع الزواج
الورده والله تموت من تنشم غصب

التحب انسان ..وتصير الغريب
الله مايرضة ومحمد تنخطب
:::::::::::::::
اسم شاعر : علي المياحي النجفي / امنية زواج ( حرية الاختيار )