المشاهدات: 4476   المدة: 12:05   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
طـفـلـه  وشـفـت بـالـنوم * جن والدي المظلوم * 
يمي ويحاجيني
ويـقـلـي  كـافـي الـلـوم* لابـد اجـيج ابيوم*
 ياطفله تانيني

عـلـيله وعالسهر متعلمه اعيوني ***
 ما ادري شجاني وغمضت اجفوني
رحت سارحه ابطيفي وعالم اضنوني *** 
واحس وجهي تغير وانخطف لوني
بـس  مـاغـفـت هالعين ***
 وانطبقت الجفنين ***
 لن شاهدت عيني
جـن  شـفـت ابـوي حـسين *** 
ويقلي لاتبجين *** ياطفله تانيني
---------------------------------
ابـويه  حسين جن شفته حضر يمي ***
 وتبدد غيم حزني وزال كل همي
عـلى  صدره  يضمني ويلهج باسمي ***
 يقلي ليش دمعج عالوجن يهمي
يـاطـفله كافي النوح ***
 ضفتي على جرحي جروح ** منهو اليداويني
لابـد  هـضـمـنا  يروح ***
 وارجع وافرح الروح *** ياطفله تانيني
-------------------------------------
يمسح  فوق  راسي بجفه ويشمني ***
 على صدره الشريف الطاهر يضمني
يـقـلـي حـالـتـج يـاطفله تهضمني ***
 وهذي دمعتج اكثر تالمني
لابـد  زمـان يـعـود *** 
مـن الـسـفر مو جود ***
 يمج تلاقيني
هـذا  الـصـبـر مـوجـود *** 
لابـد ارد ردود *** ياطفله تانيني
-------------------------------------
عـقـب  ماقعد يمي وضمني الصدره *** 
جاوبته بنحيب ونايحه وحسره
يـبـويـا  شلون جرح البلقلب يبره ***
 وانت بعيد عني وسلوتي العبره
اتـسـلـى  بـالاعـبـار ***
 واتـنـطر الاخبار ***
 ياساعه تلفيني
جـاوبـنـي هـذا الـصـار***
 لابـد ارد لـلدار *** ياطفله تانيني
------------------------------------
عـفـتـني  بعلتي  ونوحي جمروني ***
 غبت والغيبه غيبه واقطعت ضني
بـعـثت  لك جم رساله جم خبر مني *** 
وقتلك ليش ماتنشد بعد عني
عـن  عـيـني شخصك غاب *** 
واتمنى خط كتاب *** منك يوافيني
مـتـنـطـره  عـلـى الباب ***
 ماارسلت لجواب *** ياطقله تانيني
------------------------------------
يـبـويا  عليك احن ماحنت الناقه ***
 لعلي الاكبر اخويا شكثر مشتاقه
وعـبـد  الله  الـطـفل يامصعب فراقه ***
 صدق ويارقيه اختي اتلاقه
مـن هـالـحـلـم فزيت ***
 لن خالي شفت البيت *** والهم يباريني
دمـعـه  حـزن  صـبـيـت *** 
وينك يمن ناديت *** ياطفله تانيني
------------------------------------
الـنـوب  الحال اصعب صار وتغير ***
ولا ادري الحلم بالعكس يتفسر
بـس  ايتام رجعت من هلي وخدر ***
 وخبرنا الوالد بطف كربلا موذر
والـمـايـمـر عـالـبال *** 
بس عايله واطفال *** رحعت تواسيني
شـلـون  نـعـكس  هالحال ***
 جلوين ابوي القاه *** ياطفله تانيني

_____

الشاعر الأديب : جابر الكاظمي