المشاهدات: 2410   المدة: 9:18   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
طيف منك لو تشاهد عيني
ارد اگله الـكربله وديني

__________

يلي صارت شوفتك بس بالحلم
بيش اشد الحيل لمن ينهدم
حسرتي ع الخد مدامع تنرسم

والهجر ياوالدي يآذيني

__________
طيف منك لو تشاهد عيني
ارد اگله الـكربله وديني
__________

يلي خذت الروح وياك ورحت
ابغير اسمك ياحبيبي ما صحت
بويه شيبني البُعد گـد ما نحت

نار هجرك بالگـلب تچـويني

__________
طيف منك لو تشاهد عيني
ارد اگله الـكربله وديني
__________


تسعر النار وجمر مدمع العين
انته تدري اشگـد احبك ياحسين
وين جاوبني رحت يابويه وين

يتمت عگـبك يغالي اسنيني

__________
طيف منك لو تشاهد عيني
ارد اگله الـكربله وديني
__________

اسنيني حزنانه يبويه وانتظر
علمت حته الصبر معنى الصبر
ياهو يوصل كربله انطيه العمر

فدوه يامن شوفتك تحييني

__________
طيف منك لو تشاهد عيني
ارد اگله الـكربله وديني
_________

هواي مشتـاگه الك ياوالدي
يبدي ليلي وحسرتي بي تبتدي
بويه وابروحي الـقدومك افتدي

ما أظنك يا الأبو ناسيني

__________
طيف منك لو تشاهد عيني
ارد اگله الـكربله وديني
__________

روحي يعيوني عليك امعلمه
لا هو طبعك تنسه بنتك فاطمه
دمعتي يا والدي سالت دمه

انتظر يامهجتي اتوافيني

__________
طيف منك لو تشاهد عيني
ارد اگله الـكربله وديني
__________


كلمات الشاعر عمار هليل الواسطي


__________


كتابة ~ Zahraa Al obaidi