المشاهدات: 981   المدة: 11:25   الدقة: عالية
التصنيف: صوتيات دينية   الكلمات الدلالية: مسلم الوائلي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
عباس إجاني الليل واشتاگيتلك
واتذكرت گعداتنه وحنيت لك

يالأمس يمي اشلون اعيشن باچر
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

عباس جن ليل اهدعش واليوجعني التمن
بيناته ليل ودرب والليل مايتأمن
مجبوره احچي الوحدي محتاره اسولف إلمن
عباس بس انته الچنت تعرف اعيوني اشيحچن

وشكثر چانت حلوه ياگعداتنه
مدري اشجـره وطب الجفه بيناتنه

مجبوره افك عيني اعله كسرة خاطر
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

ربيتك ابحيل اودمع واترجه انام ابكترك
شلتك لمن طاح المتن ماشلت عون ابكثرك
اگضي ابدللولك وگت واهس چنت من زغرك
ومن كثر ما لوليت إلك حته أثر چف ابظهرك

يالحظني مهدك طاگ گلبي الشـوفتك
شو چنها يم النهر طالت نومنك

ماصدگت تغمض اوجفني امساهر
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

ياخويه أذكر من چنت كل يوم يمي مسـير
ملهوفه أجيك ابلا فكر چنك عمر متأخر
وجه اختك الچانت گبل عن شوفتك ماتصبر
ماتدري هسه ابفرگتك ذاك الوجه متغير

ذبلت يعباس اوتغير لونها
صارت عبايتها اويه لون امتونها

ولون العيون ابلون اعيونك صاير
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

معذوره فارگتك ضوه دمع المفارگ يچوي
ماچنت محتاجه گمر من چان وجهك يضوي
بس ارجع ايهون العطش بالماي شنهي انسوي
هيه التفارگ جربتك حته ابنهر ماتروي

تانيتك اوغيـر الدمع ماعنـدي
ليمت ترد مو جفني ماكل خدي

غرگانه روحي ولهواك اتناطر
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

أحا يبو فاضل صحت مجبوره من شتموني
يابعد لوني الـ من رحت محد يگلي اشلوني
هسه اعرفت ليش انلچم لو گتلي بعد اعيوني
همـه الرمو عينك سهم آنـه انذبح رادوني

يدرون بيك ابعينك امخليني
صابوك حته ايفـرهدون اسـنيني

عميه ابغيابك يــالخذيت الناظر
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

ياحيلي يانبض الگلب يادم البشرياني
ياچلمة الخوه البعد مالاحت إعله الساني
يالحاطني ابعينك ضوه وين الگه مثلك ثاني
عباس وانته إعله الرمح مرفوع ماتنساني

حته إعله رمحك عينك إعله اضعوني
ويصيــح راسك آخ لو شتـموني

تنزف دمه وتتمنه كونك حاضر
ليل اهدعش ظلمه اوضواك امسافر

وي الهوه اعتاب اشكثر وديتلك
______________________________

گالولي منچ يستحي خويه اوگلت عاذرته
هوه اليصير اتلث وذر شتريد من عنده إخته
راح اوصل لأم الوفه واتمنه لو شايفته
واحچيلها اشسوه الگمر وانشدها شمرضعته

لمن نخيته النهر جابه ابجوده
چي ماوصل ذب چفه من ازنوده

واحچيلها اشلون انسحگ بالحافر
ليل اهدعش ظلمه اوضواك امسافر

وي الهوه اعتاب اشكثر وديتلك

______________________________

كلمات الشاعر _ رائـد النـاشي