المشاهدات: 4544   المدة: 5:53   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة Zahraa ❤ Al obaidi
قصيدة : عدمن عفتني ؟
اداء و الحان : حسين فيصل
كلمات : تحسين الخفاجي
من إصدار : عمري ابلا وجودك - محرم 1440 هــ
مكساج وتوزيع : إستوديو سيفن - مملكة البحرين
كورال : حسين الحمد و حسن عبدالرزاق
تصوير : حسين الليث و علي ثامر
مونتاج : علي الصادق
الرعاية الإعلامية : شبكة مرئيات وصوتيات الشيعة


الكلمات

................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................

اوهيبتي ذيچ افگدتهه
ومارحم بيه الدهر
خويه والتفگد اخوهه
اتصير مكسورة ظهر
عذبت حالي الليالي
وگلبي يبن امي انعصر
كافي يذبحني هجركم
والله موتني السهر

خويه ياهو اليلمنه .. گوم وطفي خيمنه
والاشد من هالامر .. ابسوطه يضربني الشمر



.................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................


خويه وين اليوجعنك
خل اداويهن صحت
انه جم مره اعله وجهي
گمت يبن امي وطحت
خويه كون اسهام صدرك
كلهن ابصدري گلت
من الخيم حين اعتنيتك
سابح ابدمك شفت

بيدي من گلبيتك .. امجرح اشكد لگيتك
خويه مطعون اشكثر .. ابسوطه يضربني الشمر


.................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................

اشلون ترضه اختك اسيره
وبالحبال امشبگه
تركض ابوسط الصحاري
وهالخيام امحرگه
شمر يضربني اعله متني
وانه خويه امدنگه
وانه جا غير المصايب
گلبي يبن امي اشلگه

گوه عندك درايه .. مچلبه خويه العبايه
اشلون يشتمني زجر .. ابسوطه يضربني الشمر


.................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................


الخيل يبن امي اشجاهه
وجابتك هيچي سحك
يالنمت جوه الحوافر
حگه صدرك ينطبك
اشمالهن يحسين جنهن
مايعرفنك صدك
والسهام اتلوح جسمك
وانته تشبگهن شبگ

خويه لمن وصلتك .. لا ابد ماعرفتك
شيلي بعدك بالعمر .. ابسوطه يضربني الشمر



.................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................

عاين الحال الغريبه
العذبتهه ابفرگتك
حسين خليت اليتامه
اتنوح كلهه ابخيمتك
اه يا ذيچ المحنه
الضيعتهه ابروحتك
اشكثر بدموعي يغالي
سولفت وي صورتك

چم جرح عفته بيه .. الفرگه تصعب عليه
حايره وحسرات اجر .. ابسوطه يضربني الشمر


.................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................

ودعتكم يالنشامه
ورايحه اصعد ع الهزل
نوبه للعباس عيني
ونوبه عيني اعله الحبل
منين اجيبن حيل كلي
وفرگتك تكتل كتل
هنا يحادي النوك ريض
صحت لا يوگع طفل

يالحديت الرچايب .. بالله مر ع الحبايب
وبعد مابيه انتظر .. ابسوطه يضربني الشمر


.................

خويه عدمن عفتني
ابروحتك عذبتني
من عگب ذاكه الخدر
ابسوطه يضربني الشمر

................


كلمات الشاعر تحسين الخفاجي

.................

تدوين زهراء العبيدي