المشاهدات: 4620   المدة: 2:38   الدقة: منخفضة
التصنيف: أشعار وقصائد   الكلمات الدلالية: ابو حسين الجياشي
تعليق بواسطة الجياشي
عذراً ياوطن لو خانني التعبير
لو حجيت همومي وابديت الملامة
كَبل نؤمن لاكرامة بلا وطن
هســة نؤمن بالوطن ماكو كرامة
ادري صعبة عليك تسمع هلكلام
بس اريد اشجيلك هــموم اليتــامة
بيك ايتام التشكَ كَلب الضمير
وبيك ساسة بلا كَلب وبلا شهامة
بلا شهامة الساسة صارو لاضمير
يا ضمير وصادرو حلم الفقير
جِنة نحلم باجر يعــم الســـلام
كَـلنةَ شدة وتنجلي بجاه الامير
هسة صار الحلم جلسة برلمان
وصوتو كلهم عليه بما يصير
ما يصير الشعب يحلم بالرخاء
لو نوفر لة يريد الكهرباء
ما يصير بــيوم يرتاح اليتــيم
ولا يصير انزيل آثار الدماء
وصوتو كلهم علة موت الفقير
يا كرامة بهل الوطن يا كبرياء
كبريائك ياوطن بس كَلي وين
وانتة خيمة اضرحة وبيت انبياء
هاك خلي انطيك من عندي الجواب
كبريائك ياعراق..اندفنت اِوية الاولياء
ابوحسين الجياشي
13/7/2010