المشاهدات: 72   المدة: 2:12   الدقة: عالية
التصنيف: أشعار وقصائد
تعليق بواسطة جبار كزيزه
علي ابصدري الهموم واختنك وانخاك
ولأن تسمعني عمدا شكوتي اتطول
علي شمحله المدامع لوحجيت وياك
و ياوحشة دموعي الغيرك امن اتهل
لغيرك ماحجيت ولاشكيت الحال
شكوه المو الك بيها اني احس ابذل
سر عندي بدموعي ولزمة الشباج
شمهز شباجك ابحرگة الدمع ينزل
انه شمكصد ضريحك كل حمل ينزاح
وايشد بيه وكتي وبيدك انت اتحل
واتدلل تكلي شما تريده ايصير
كبل لا اسولف وجايك حجي امحمل
وانسه البي اجيت والتهي ابملكاك
مثل طبع الحبيب البي عطش للخل
يانعمه الابو ويانعمة الرحمان
يالفضلك عليه اشما كثر ميقل
ماذ اكر جروحي اشكد عددهن جان
بس اذكرها ايدك بيهن إمن اتشل
لو باخر ارض ضاكت عليّ مولاي
اصيح ادخيلك واسمك حمه اليدخل
بمانك اشعر انه ابنص حطب نمرود
وأمن لو شفت بيه اللهب يشعل
اغمض وامشي لو صادف بحر فرعون
اعبره ابأسمك وما خطوه جدمي يزل
والمثلك امامه هذا ليش ايخاف
كافي اعليه بأسمك ياعلي ايرتل
يشهدلك عدوك تشهد الصحبان
ربك انزلك ايه وقروك الكل
الشاعر زهير الابراهيمي