المشاهدات: 2747   المدة: 10:39   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
علي علي لا تخليني
علي علي يا نظر

علي علي الفرگه تاذيني
علي علي الفرگه تاذيني
____________

يمه يادمع ابرحيلك عيني تجريها
ليله ماتحمل يلاكبر من تخليها
قصه افراكك يغالي ادموعي ترويها
روحي يالاكبر رحيلك والله يآذيها

علي علي كثرن اجروحي
علي علي هاك اخذ روحي
علي علي زهرة اسنيني

____________________

ابوجهك ارسوم النبي يايمه مرسومه
چن رسول الله الذي متعني للحومه
اي وحگ روحك يالأكبر روحي مالـومه
رايح الموتك أحس تهنالك النومه

علي علي ارباي اريدنه
علي علي ثگلت الونه
علي علي يمه حاچـيني

_____________________

يبني يلأكبر فراغك بيش اسدنه
گلبي بدموع النواظر صرت اصبرنه
رايد الموتك يالأكبر هـسه تتعنه
عمري كله وياك رايح يـبني اشوفنه

علي علي صبري ما ينفع
علي علي بالله أمودع
علي علي تسمع ونيني

______________________

انته يا اول فتى من هاشم اتقدم
ابكل فخر يايمه اقدمك والكلب مهتم
يبني وبيا حال اشوفك دامي ومخذم
كبلك اتمنيت اموت ولا أعيش ابهم

علي علي ابيا كلب انظر
علي علي جسمك واصبر
علي علي دمعي يعميني

_______________________

رايح الحتفك يالاكبر ظني خيبته
شوفي اعله شوفك كل لحظه يمه عودته
اني اول هاشميه وليدي جـدمته
انته عطشان وتحارب گـلبي عذبته

علي علي يا اعز ناسي
علي علي تجرح احساسي
علي علي لاتبچـيني

__________________

يمه چـن هاي الظهرية تاخذك مني
والمصايب يمه چـنهن هسه رادني
منين اجتني الغاضريه هيجت حزني
بعدك اشچم غالي ييني يبتعد عني

علي علي فرگتك حيره
علي علي شمعة الديره
علي علي الفرگه تاذيني

________________________

الشاعر آدم الحسني