المشاهدات: 1856   المدة: 21:04   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
عمري انطوه .. وبلا ضوه
أمسه ابغياب أم الحسن حالي
وبدنيتي .. ياوحشتي
أجبر مصابي ابمدّمعي الجاري

ماتت أحلامي ... وظلمه أيامي

طفّهْ الموت شّمس عمري
وبألف حيف أودعها
والعيون جمر هلّت
عالخدود مدامعها
والأقدار أمر حتمي
بالإخلاص أطاوعها
للقبور شِلّت روحي
ابجنح ليل اشيعها

وتحيرت .. لمن رحت
أدفن بديه زهرةّ إسنيني
صرحي انهدم .. صحت ابألم
يافاطمه عن صبري عذريني

هاجت آلامي .. وظلمه أيامي
____________________

يآذون رسول الله
اليريدون أذيتها
ينالون رضا الباري
اليقدسون ثنيتها
أشد يوم كِسر قلبي
خبر يوم منيتها
ابصبر چان أمرّ واصعب
تلگيت وصيتها

إكتم أمر .. وأخفي القبر
عِند الغسل لتجر اثيابي
ياحيدره .. لوتنظره
يجر ضميرك ياعلي اصوابي

والقلب دامي .. وظلمه أيامي
____________________

من الناس منو المثلي
على الصار صبر عدها
يعصرون شمس بيتي
علي اتصيح واشاهدها
وانه شلون صبر عندي
عالتراب اوسدها
صحت گوم تلگاها
إجت ليك يوالدها

من الأثر .. إخذ الخبر
عصرةّ حِقد يالهادي عصروها
كسر الضلع .. وتهل دمع
عين الذي بالسطرهْ أذوها

وأهوت اجدامي .. وظلمه أيامي
____________________

اسمعت صوت وانه ادفنها
بألم جان وأظن حنّت
يبو حسين تره زينب
يتيمه خوفي لا فزت
يزهراء صحت ريتچ
تشوفين خيم شبت
والأيتام على البيده
من الخيل لمن هجت

يَأمْ الحسنْ .. نار الفتنْ
أهل السقيفة ابيوم شبوها
ولكربله .. للعايله
يوصل لهب هالنار رادوها

حرقت اخيامي .. وظلمه أيامي
____________________

والفراق كَسْر خاطر
فلا يوم على بالي
يزهراء صحت بعدج
بگه البيت وحش خالي
وانه شلون أصد بابه
من الباب سگم حالي
وصدى الآه من الزهرهْ
أوصيك على اطفالي

حكم القدر .. ظلم القدر
واحد بعد واحد منايانه
والمفخره .. بالآخره
شرينه الكرامه وبعنه دنيانه

مبدأ إيماني .. وظلمه أيامي
____________________

يهالناس كسر قلبي
اعله هالحال صعب جبره
والغروب يذكرني
ع المصاب أجر حسره
المسه ايلوح وانه اولادي
يحنون عله الزهره
يسألون وانه المثلي
يگولون صعب عُذره

وتعذرت .. واني شفت
بنت النبي جدامي ضربوها
لوما أمر .. أحمل صبر
دار الأعادي اشلون وصلوها

بيدي صمْامي .. وظلمه أيامي
____________________

يهالباب جرح يومك
نزف ثار يظل نزفك
إلى حين يجي الغايب
بالقلوب فلا يشفه
ولا حيف بعد ينفع
ولا آه ولا وسفه
إلك نار تشب بينه
بالدموع فلا تطفه

ماتنطفي .. ولانكتفي
من البچي والنوح عالبضعه
والمُنتظر .. راعي الفخر
يمته ينادي الثار ونسمعه
____________________

كلمات الشاعر - السيد سعيد الصافي

..