المشاهدات: 4084   المدة: 29:32   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة حمودي وبس
غـير الويل ما دگ بابي – جاني الليل وين احبابي
صـدى الآهات من يرجع – اصيح ابجمرة المدمع
جــانــي الــلـيـل ويـن احـبـابـي

هـلـي إلـعدهم عليل – اشلون يمشون ويخلونه
هـلـي ومـعرفه عند – الناس واجبهم يبارونه
يـظل بعد الأهل مرعوب – تغفه الوحشه بعيونه
هـلـي يـهل الحميّه اشلون – ينده ما تسمعونه
وحــشــة الــدار – مــارد لـيـهـا
هــاي الــنــار – شـيـطـفـيـهـا
صـرخة شوقي من يسمع – اصيح ابجمرة المدمع
جــانــي الــلـيـل ويـن احـبـابـي

أحـس ابـونـتچ يـادار – يـالـونّچ مثل وني
ظـلام وصـفنت الجدران – عن ياخوف تخبرني
أطـش اجروحي يم الباب – وادري الباب يسألني
وأجاوب كل خبر ماصاح – وابويه إلما سأل عني
لامــكــتــوب – بـعـد اعـتـابـي
لا مــحــبــوب – يــوصـل بـابـي
يـبـويـه اويا صبر ينفع – أصيح ابجمرة المدمع
جــانــي الــيــل ويـن احـبـابـي

أنه اجروح المسافة اشهور- عندي اولا جرح يبرد
عـتـابـي ابنظرة الملهوف – لو عنّه الحبيب أبعد
أروحن وين أدگ ياباب – واشعر كل درب ينسد
يـعـبـدالله لون ويّاي – وانته اعلى الألم تشهد
كــون اويــاي – تــســهــل والله
أنـــت ادواي – يـــاعـــبـــدالله
اذكـر نـورك إلـيسطع – أصيح ابجمرة المدمع
جــانــي الــلـيـل ويـن احـبـابـي

ابـويـه احـسـين واعدني – وآنه الموعد اتنطّر
عـلي الأكبر عليچ ايعود – وابگ امتانيه الأكبر
واحـسّـب والجروح اوياي – ليش الأكبر اتأخر
ملهوفه اعلى خويه الروح – غاب ولا خبر يذكر
الــشّــر لاح – وأصــرخ يــهـلـي
حــلــمـي إلـرّاح – مـايـرجـع لـي
جـمـر فـرگاك واتلوّع – اصيح ابجمرة المدمع
جــانــي الــلـيـل ويـن احـبـابـي

يـهـالگاصد لبويه احسين – لازم توفي بالمطلب
اريدك كون تطوي الگاع – ذمّة اعليك لا تتعب
إخذ منّي أمانه اوياك – دمعي وهاك إخد معصب
يـوم إلـتـوصل الوالي – تشمّه ابمنحره وتنحب
شــوف اشــلــون – حـال الـوالـي
وابــيــا لــون – بــيّــن حـالـي
وحـيـده وچفي مايهجع – اصيح ابجمرة المدمع
جــانــي الــلـيـل ويـن احـبـابـي

وصل وادي الطفوف اوشاف – عالتل تنظر الحرّه
وشاف اعلى الرمال احسين – والسيف إليحز نحره
وايـشـاهد طفل مذبوح – وابعينه العطش جمره
ويـنـظـر عالنهر چفين – يا چف زينب اتنظره
شــوف الــحــال – يــاوالــيـنـه
يــالــكــفّـال – انـهـض لـيـنـه
يـراعـي الـجود ماتفزع – اصيح ابجمرة المدمع
جــانــي الــلـيـل ويـن احـبـابـي

يـعـمـه راح ابوچ احسين – وين إلينغر اعلينه
راسـه اعلى الرمح مرفوع – بويه ايگول عذرينه
واخـبـرچ بـس حرم وايتام – بين انذال ظلّينه
ظـل يـم الـنـهـر عباس – وابعيني سهم عينه
نــار اوخــوف – بــعـد اعـيـونـه
كــون اتـشـوف – مـن سـلـبـونـه
بـعـد يـاويـل اتجرع – اصيح ابجمرة المدمع
جــانــي الــلـيـل ويـن احـبـابـي